ഭൗമസൂചിക പദവിയിൽ വെ​ളു​ത്തു​ള്ളി; മി​ക​ച്ച വി​ള​വ്​ പ്ര​തീ​ക്ഷി​ച്ച്​ ക​ർ​ഷ​ക​ർ

മ​റ​യൂ​ർ: കാ​ന്ത​ല്ലൂ​ർ വ​ട്ട​വ​ട മേ​ഖ​ല​യി​ലെ ക​ർ​ഷ​ക​ർ​ക്ക് പ്ര​തീ​ക്ഷ​യേ​കി ഭൗ​മ​സൂ​ചി​ക പ​ദ​വി ല​ഭി​ച്ച മ​ല​പൂ​ണ്ട് (വെ​ളു​ത്തു​ള്ളി). കാ​ലാ​വ​സ്ഥ, ഭൂ​പ്ര​കൃ​തി, സ​മു​ദ്ര​നി​ര​പ്പി​ൽ നി​ന്നു​ള്ള ഉ​യ​രം എ​ന്നി​വ​യു​ടെ സ​വി​ശേ​ഷ​ത​യാ​ൽ ഇ​വി​ടെ വി​ള​യു​ന്ന വെ​ളു​ത്തു​ള്ളി​ക്ക് വീ​ര്യ​വും രു​ചി​യും കൂ​ടു​ത​ലാ​ണ്. ഇ​ത് പ​ഠ​ന​വി​ധേ​യ​മാ​ക്കി​യ​തി​നെ തു​ട​ർ​ന്നാ​ണ്​ ഭൗ​മ​സൂ​ചി​ക പ​ദ​വി ല​ഭി​ച്ച​ത്. അ​തി​നാ​ൽ, ഇ​ത്ത​വ​ണ​ത്തെ വി​ള​വി​നെ ഏ​റെ പ്ര​തീ​ക്ഷ​യോ​ടെ​യാ​ണ്​ ക​ർ​ഷ​ക​ർ നോ​ക്കി​ക്കാ​ണു​ന്ന​ത്.

പ്ര​ധാ​ന​മാ​യും ജൂ​ൺ, ജൂ​ലൈ മാ​സ​ത്തി​ലെ മ​ഴ പ്ര​തി​ക്ഷി​ച്ചാ​ണ് കൃ​ഷി​യി​റ​ക്കു​ന്ന​തെ​ങ്കി​ലും പാ​ടം ഒ​രു​ക്കു​ന്ന​ത് മേ​യ് മാ​സം മു​ത​ലാ​ണ്. വി​ള​വെ​ടു​ക്കു​ന്ന​തി​ന് ഒ​ന്ന് ര​ണ്ട് ആ​ഴ്ച മു​മ്പ് ത​ന്നെ പാ​ടം കി​ള​ച്ച് അ​ടി മ​ണ്ണ് ആ​റു​ന്ന​തി​നാ​യി വി​ടു​ന്നു. ഇ​തേ​സ​മ​യം വെ​ളു​ത്തു​ള്ളി അ​ല്ലി​ക​ളാ​യി അ​ട​ർ​ത്തി ഉ​ണ​ക്കി മു​ള വ​രും രീ​തി​യി​ൽ പാ​ക​പ്പെ​ടു​ത്തി​യെ​ടു​ക്കു​ക​യും ചെ​യ്യും.

ജൂ​ൺ ആ​രം​ഭ​ത്തോ​ടു​കൂ​ടി ക​ള നീ​ക്കം​ചെ​യ്ത് ചാ​ണ​ക​വും ചാ​ര​വും ചേ​ർ​ത്ത് മ​ണ്ണൊ​രു​ക്കി വി​ത്തി​റ​ക്കാ​ൻ പാ​ടം ഒ​രു​ക്കു​ന്നു. വെ​ളു​ത്തു​ള്ളി കി​ളി​ർ​ത്തു​തു​ട​ങ്ങു​മ്പോ​ൾ മു​ത​ൽ പു​ഴു​ക്ക​ളു​ടെ​യും മ​റ്റു കീ​ട​ങ്ങ​ളു​ടെ​യും ശ​ല്യം അ​തി​രൂ​ക്ഷ​മാ​യി​രി​ക്കും. ഇ​തി​ന് കൃ​ത്യ​മാ​യ ഇ​ട​വേ​ള​ക​ളി​ൽ കീ​ട​നാ​ശി​നി പ്ര​യോ​ഗ​വും ആ​വ​ശ്യ​മാ​ണ്. മ​ഴ ല​ഭി​ച്ചി​ല്ലെ​ങ്കി​ൽ ക​നാ​ലു​ക​ളി​ലൂ​ടെ വെ​ള്ളം എ​ത്തി​ച്ച് പാ​ട​ങ്ങ​ളി​ൽ വെ​ള്ളം ക​യ​റ്റി ന​ന​ക്കു​ക​യും വേ​ണം. വ​ള​പ്ര​യോ​ഗ​വും ക​ള​ന​ശീ​ക​ര​ണ​വും പ​രി​പാ​ല​ന​വു​മാ​യി 90 ദി​വ​സ​മാ​ണ്​ വേ​ണ്ട​ത്. 90 മു​ത​ൽ 110 ദി​വ​സ​ത്തി​നു​ള്ളി​ൽ വെ​ളു​ത്തു​ള്ളി വി​ള​വെ​ടു​പ്പി​ന് പാ​ക​മാ​കും. ഇ​വി​ടെ വി​ള​ഞ്ഞ വെ​ളു​ത്തു​ള്ളി ആ​റു​മാ​സം മു​ത​ൽ ഒ​രു​വ​ർ​ഷം വ​രെ പു​ക​യ​ത്ത് ഉ​ണ​ക്കി സൂ​ക്ഷി​ക്കാം എ​ന്ന​തും പ്ര​ത്യേ​ക​ത​യാ​ണ്.