റേഡിയോളജിസ്റ്റിനെ തരൂസ്കാനിങ് റിസൽട്ട് തരാം...; അ​ടി​സ്ഥാ​നസൗ​ക​ര്യ​മി​ല്ലാ​തെ തൊ​ടു​പു​ഴ ജി​ല്ല ആ​ശു​പ​ത്രി

തൊ​ടു​പു​ഴ: ‘റേ​ഡി​യോ​ള​ജി​സ്റ്റി​നെ ത​രൂ... സ്കാ​നി​ങ് റി​സ​ൽ​ട്ട് ത​രാം...’ തൊ​ടു​പു​ഴ കാ​രി​ക്കോ​ടു​ള്ള ജി​ല്ല ആ​ശു​പ​ത്രി​യി​ൽ സ്കാ​നി​ങ്ങി​നാ​യി എ​ത്തു​ന്ന രോ​ഗി​ക​ൾ കേ​ൾ​ക്കു​ന്ന പ​തി​വ് പ​ല്ല​വി​യാ​ണി​ത്. പ​ട്ടി​ക​വ​ർ​ഗ മേ​ഖ​ല​ക​ളി​ൽ നി​ന്ന​ട​ക്കം ദി​വ​സേ​ന നൂ​റു​ണ​ക്കി​നാ​ളു​ക​ൾ ചി​കി​ത്സ തേ​ടി​യെ​ത്തു​ന്ന ജി​ല്ല​യി​ലെ പ്ര​ധാ​ന സ​ർ​ക്കാ​ർ ആ​തു​രാ​ല​യ​ത്തി​നാ​ണ് ഈ ​ദു​ർ​ഗ​തി.

പു​തി​യ​തും പ​ഴ‍യ​തു​മാ​യ കെ​ട്ടി​ട​ങ്ങ​ളു​ണ്ടെ​ങ്കി​ലും ഡോ​ക്ട​ർ​മാ​ര​ട​ക്ക​മു​ള്ള ജീ​വ​ന​ക്കാ​രു​ടെ കു​റ​വാ​ണി​വി​ടെ വി​ല്ല​നാ​കു​ന്ന​ത്. ഇ​തോ​ടെ സ്കാ​നി​ങ് അ​ട​ക്ക​മു​ള്ള പ​രി​ശോ​ധ​ന​ക​ൾ​ക്കാ​യി വ​ൻ തു​ക കൊ​ടു​ത്ത് സ്വ​കാ​ര്യ ആ​ശു​പ​ത്രി​ക​ളെ സ​മീ​പി​ക്കേ​ണ്ട അ​വ​സ്ഥ​യാ​ണ് രോ​ഗി​ക​ൾ​ക്ക്. മാ​റി വ​രു​ന്ന സ​ർ​ക്കാ​റു​ക​ളും ജി​ല്ല പ​ഞ്ചാ​യ​ത്ത് ഭ​ര​ണ​സ​മി​തി​ക​ളും ജ​ന​പ്ര​തി​നി​ധി​ക​ളും പു​ല​ർ​ത്തു​ന്ന അ​നാ​സ്ഥ​ക്ക് വി​ല കെ​ടു​ക്കു​ന്ന​താ​ക​ട്ടെ ചി​കി​ത്സ തേ​ടി​യെ​ത്തു​ന്ന സാ​ധാ​ര​ണ​ക്കാ​രാ​ണ്.

റേ​ഡി​യോ​ള​ജി​സ്റ്റ് ത​സ്തി​ക​യി​ല്ല

അ​ൾ​ട്രാ​സൗ​ണ്ട്, സി.​ടി സ്കാ​നു​ക​ൾ​ക്ക് ആ​ശു​പ​ത്രി​യി​ൽ സൗ​ക​ര്യ​മു​ണ്ട്. ആ​വ​ശ്യ​മാ​യ മെ​ഷീ​ന​റി​ക​ളും ജീ​വ​ന​ക്കാ​രു​മു​ണ്ട്. എ​ന്നാ​ൽ, ഇ​ത് ചെ​യ്യേ​ണ്ട റേ​ഡി​യോ​ള​ജി​സ്റ്റ് ത​സ്തി​ക​യി​ല്ല. ഇ​തോ​ടെ അ​ൾ​ട്രാ​സൗ​ണ്ട് മെ​ഷീ​ൻ തു​രു​മ്പെ​ടു​ത്ത് ന​ശി​ക്കാ​ൻ തു​ട​ങ്ങി​യി​ട്ട് നാ​ളേ​റെ​യാ​യി. സി.​ടി സ്കാ​നി​ങ്ങാ​ണ് അ​തി​ലേ​റെ ര​സം.

ന​ട​ത്തു​ന്ന​ത് അ​പൂ​ർ​വ​മാ​യി മാ​ത്രം. ഇ​നി ന​ട​ത്തി​യാ​ലോ അ​തി​ന്‍റെ റി​സ​ൽ​ട്ടി​നാ​യു​ള്ള കാ​ത്തി​രി​പ്പ്. സ്കാ​നി​ങ് റി​സ​ൽ​ട്ട് ന​ൽ​കേ​ണ്ട റേ​ഡി​യോ​ള​ജി​സ്റ്റി​ല്ലാ​ത്ത​താ​ണ് പ്ര​ശ്നം. ഒ​ടു​വി​ൽ എ​ച്ച്.​എ​ൽ.​എ​ല്ലു​മാ​യി ടെ​ലി ക​ൺ​സ​ൽ​ട്ടി​ങ്ങി​ലൂ​ടെ റി​സ​ൽ​ട്ട് ന​ൽ​കി​യി​രു​ന്നെ​ങ്കി​ലും ഫ​ണ്ട് കു​ടി​ശ്ശി​ക‍യാ​യ​തോ​ടെ ഇ​ട​ക്കാ​ല​ത്ത് അ​തും നി​ല​ച്ചു.

ആ​ശു​പ​ത്രി​യി​ൽ റേ​ഡി​യോ​ള​ജി​സ്റ്റ്/ റേ​ഡി​യോ തെ​റ​പ്പി​സ്റ്റ് ത​സ്തി​ക ഒ​രെ​ണ്ണ​മാ​ണു​ള്ള​ത്. ഓ​ങ്കോ​ള​ജി വി​ഭാ​ഗ​ത്തി​ൽ കീ​മോ അ​ട​ക്ക​മു​ള്ള​വ​ക്കാ​യി റേ​ഡി​യോ തെ​റ​പ്പി​സ്റ്റ് ഉ​ള്ള​തി​നാ​ൽ റേ​ഡി​യോ​ള​ജി​സ്റ്റ് ത​സ്തി​ക​യി​ൽ ആ​ളെ നി​യ​മി​ക്കാ​നാ​കി​ല്ലെ​ന്നാ​ണ് വ​കു​പ്പ് ന​യം.

സ്കാ​നി​ങ്ങി​ന്​ എ​ത്തു​ന്ന​ത് നി​ര​വ​ധി പേ​ർ

ആ​ശു​പ​ത്രി​യി​ലെ ഒ.​പി‍യി​ലും ഐ.​പി​യി​ലും പു​റ​മെ നി​ന്നു​ള്ള​വ​രു​മ​ട​ക്കം നി​ര​വ​ധി പേ​ർ ഇ​വി​ടെ ദി​വ​സേ​ന സ്കാ​നി​ങ്ങി​ന്​ എ​ത്താ​റു​ണ്ട്. മ​തി‍യാ​യ ജീ​വ​ന​ക്കാ​രു​മു​ണ്ട്. എ​ന്നാ​ൽ, സ്കാ​ൻ ചെ​യ്യാ​ൻ ന​ട​ത്താ​ൻ ഇ​വ​ർ​ക്ക് മ​ടി​യാ​ണെ​ന്നാ​ണ് പ​രാ​തി. സ്വ​കാ​ര്യ​മേ​ഖ​ല‍യി​ൽ ആ​യി​ര​ങ്ങ​ൾ വ​രു​ന്ന സ്കാ​നി​ങ് ഇ​വി​ടെ കു​റ​ഞ്ഞ നി​ര​ക്കി​ലാ​ണ് ചെ​യ്യു​ന്ന​ത്.

അ​തു​കൊ​ണ്ട് ത​ന്നെ ഇ​തി​ന് പി​ന്നി​ൽ അ​വ​രു​ടെ ഇ​ട​പെ​ട​ലു​ണ്ടെ​ന്ന ആ​ക്ഷേ​പ​വും ഉ​ണ്ട്. ആ​ക്ഷേ​പം വ്യാ​പ​ക​മാ‍യ​തോ​ടെ ചു​രു​ങ്ങി​യ എ​ണ്ണം ആ​ളു​ക​ൾ​ക്ക് സ്കാ​ൻ ചെ​യ്ത് ന​ൽ​കാ​ൻ തു​ട​ങ്ങി. അ​പ്പോ​ഴാ​ണ് റി​സ​ൽ​ട്ട് പ്ര​ശ്നം ഉ​യ​ർ​ന്ന​ത്.

ചി​കി​ത്സി​ക്കു​ന്ന ഡോ​ക്ട​ർ​മാ​ർ നി​ർ​ദേ​ശി​ക്കു​ന്ന​വ​ർ​ക്ക് ഫി​ലിം മാ​ത്രം ന​ൽ​കി​യാ​ണ് പ്ര​ശ്നം പ​രി​ഹ​രി​ച്ച​ത്. രോ​ഗ​വി​വ​ര​ങ്ങ​ൾ ഡോ​ക്ട​ർ​മാ​ർ ഫി​ലിം നോ​ക്കി മ​ന​സ്സി​ലാ​ക്ക​ണം. ഒ​ടു​വി​ൽ എ​ച്ച്.​എ​ൽ.​എ​ല്ലു​മാ​യു​ള്ള പ്ര​ശ്നം പ​രി​ഹ​രി​ച്ചെ​ന്നും റി​സ​ൽ​ട്ടി​നാ​യി ര​ണ്ടു മു​ത​ൽ നാ​ല് മ​ണി​ക്കൂ​ർ വ​രെ കാ​ത്തി​രു​ന്നാ​ൽ മ​തി​യെ​ന്നു​മാ​ണ് പു​തി​യ വി​ശ​ദീ​ക​ര​ണം.

ഡോ​ക്ട​ർ​മാ​രും ജീ​വ​ന​ക്കാ​രു​മി​ല്ല

ആ​റ് ബെ​ഡു​ള്ള ഐ.​സി.​യു ഇ​വി​ടെ‍യു​ണ്ട്. എ​ന്നാ​ൽ, ഇ​തി​ന​നു​സ​രി​ച്ചു​ള്ള ഡോ​ക്ട​ർ​മാ​രോ ന​ഴ്സു​മാ​ര​ട​ക്ക​മു​ള്ള ജീ​വ​ന​ക്കാ​രോ ഇ​വി​ടെ​യി​ല്ല. താ​ലൂ​ക്ക് ആ​ശു​പ​ത്രി​യി​ൽ ഉ​ള്ള​തി​നേ​ക്കാ​ൾ കു​റ​വ് ഡോ​ക്ട​ർ​മാ​രാ​ണ് നി​ല​വി​ൽ ജി​ല്ല ആ​ശു​പ​ത്രി​യി​ലു​ള്ള​ത്. ക​ർ​ഷ​ക​രും തൊ​ഴി​ലാ​ളി​ക​ളും പ​ട്ടി​ക​വ​ർ​ഗ​ക്കാ​രും ഏ​റെ​യു​ള്ള ജി​ല്ല​യാ​ണി​ത്. അ​വ​രു​ടെ പ്ര​ധാ​ന ആ​ശ്ര​യ​വു​മാ​ണ്​ ഈ ​ആ​ശു​പ​ത്രി. എ​ന്നാ​ൽ, ഓ​ങ്കോ​ള​ജി ഒ​ഴി​കെ​യു​ള്ള ഒ​രു സ്പെ​ഷാ​ലി​റ്റി വി​ഭാ​ഗ​വും ഇ​വി​ടെ​യി​ല്ല.

ആ​റു​വ​ർ​ഷ​മാ​യി ഫി​റ്റ്ന​സ് സ​ർ​ട്ടി​ഫി​ക്ക​റ്റ് ഇ​ല്ലാ​തെ​യാ​ണ് പ്ര​വ​ർ​ത്ത​നം. എ​ട്ടു​നി​ല കെ​ട്ടി​ട​ത്തി​ന് അ​ഗ്നി​ര​ക്ഷാ​സേ​ന​യു​ടെ എ​ൻ.​ഒ.​സി ഇ​ല്ലാ​ത്ത​താ​ണ് കാ​ര​ണം. ര​ണ്ട് ലി​ഫ്റ്റ്​ വേ​ണം എ​ന്ന നി​ബ​ന്ധ​ന നി​ല​നി​ൽ​ക്കെ ആ​ശു​പ​ത്രി​യി​ലാ​കെ​യു​ള്ള​ത് ഒ​രെ​ണ്ണം മാ​ത്രം. ജി​ല്ല പ​ഞ്ചാ​യ​ത്തി​നാ​ണ് ആ​ശു​പ​ത്രി​യു​ടെ ചു​മ​ത​ല. ലി​ഫ്റ്റ് സം​വി​ധാ​നം ഇ​ല്ലാ​ത്ത​തി​നാ​ൽ ഗൈ​ന​ക്കോ​ള​ജി, പീ​ഡി​യാ​ട്രി​ക് വി​ഭാ​ഗ​ങ്ങ​ൾ ഇ​പ്പോ​ഴും പ​ഴ​യ കെ​ട്ടി​ട​ത്തി​ൽ ത​ന്നെ​യാ​ണ്.