കോൺക്രീറ്റ്​ തകർന്ന് ചോർന്നൊലിച്ച് വീടുകൾ; ദുരിതത്തിന്​ അറുതിയില്ലാതെ ബാബുനഗർ നിവാസികൾ

മ​റ​യൂ​ർ: കോ​ൺ​ക്രീ​റ്റു​ക​ൾ ത​ക​ർ​ന്ന് ചോ​ർ​ന്നൊ​ലി​ക്കു​ന്ന വീ​ടു​ക​ൾ... കാ​ല​പ്പ​ഴ​ക്ക​ത്താ​ൽ ത​ക​ർ​ന്നു​വീ​ഴു​ന്ന കോ​ൺ​ക്രീ​റ്റ് പാ​ളി​ക​ൾ... ഇ​തെ​ല്ലാം മ​റ​യൂ​ർ ബാ​ബു​ന​ഗ​റി​ലെ കു​ടും​ബ​ങ്ങ​ളു​ടെ പ​തി​വ് കാ​ഴ്ച​യാ​ണ്. ടൗ​ണി​നോ​ട് ചേ​ർ​ന്ന ബാ​ബു ന​ഗ​റി​ലെ അ​മ്പ​ത് വീ​ടു​ക​ളി​ൽ​പെ​ടു​ന്ന വീ​ടു​ക​ളാ​ണ് അ​ധി​കൃ​ത​രു​ടെ അ​നാ​സ്ഥ​യി​ൽ ശോ​ച്യാ​വ​സ്ഥ​യി​ലാ​യ​ത്. ഇ​തി​ൽ പ​ത്ത് വീ​ടു​ക​ൾ തീ​ർ​ത്തും നാ​ശോ​ന്മു​ഖ​മാ​ണ്. ഇ​തോ​ടെ ഇ​വി​ടെ താ​മ​സി​ക്കു​ന്ന കു​ടും​ബ​ങ്ങ​ൾ ഭീ​തി​യി​ലു​മാ​ണ്. കാ​ല​വ​ർ​ഷം ക​ന​ക്കു​ന്ന​ത് ഇ​വ​രു​ടെ ഭീ​തി ഇ​ര​ട്ടി​പ്പി​ക്കു​ന്നു​ണ്ട്.

നി​വേ​ദ​ന​ങ്ങ​ൾ ന​ൽ​കി നാ​ട്ടു​കാ​ർ; ക​ണ്ണ​ട​ച്ച് അ​ധി​കൃ​ത​ർ

വീ​ടു​ക​ൾ ശോ​ച്യാ​വ​സ്ഥ‍യി​ലാ​യി അ​പ​ക​ട ഭീ​തി​യു​യ​ർ​ത്തി​യ​തോ​ടെ അ​റ്റ​കു​റ്റ​പ്പ​ണി‍യ​ട​ക്ക​മു​ള്ള വി​വി​ധ ആ​വ​ശ്യ​ങ്ങ​ളു​മാ‍യി ഉ​ട​മ​ക​ൾ പ​ഞ്ചാ​യ​ത്തി​ലും വി​വി​ധ സ​ർ​ക്കാ​ർ ഓ​ഫി​സു​ക​ളി​ലും നി​വേ​ദ​ന​ങ്ങ​ൾ ന​ൽ​കി​യി​രു​ന്നു. എ​ന്നാ​ൽ, ഒ​രു ന​ട​പ​ടി​യു​മു​ണ്ടാ​യി​ല്ല. തീ​ർ​ത്തും ശോ​ച്യാ​വ​സ്ഥ​യി​ലാ​യ പ​ത്ത് കു​ടും​ബ​ങ്ങ​ൾ ലൈ​ഫ് മി​ഷ​നി​ൽ വീ​ടി​നാ​യി വാ​തി​ലു​ക​ൾ മു​ട്ടി​യെ​ങ്കി​ലും പ​ല​ർ​ക്കും ല​ഭി​ച്ചി​ല്ലെ​ന്നും ഇ​വ​ർ ആ​രോ​പി​ക്കു​ന്നു.

ഇ​തി​നി​ട​യി​ൽ നി​ല​വി​ലെ വീ​ടു​ക​ൾ മ​ഴ​ക്കാ​ല​ത്ത് ചോ​ർ​ന്നൊ​ലി​ക്കു​ന്ന​തി​ന് പു​റ​മെ കോ​ൺ​ക്രീ​റ്റ് പാ​ളി​ക​ൾ അ​ട​ർ​ന്നു​വീ​ഴു​ക​യും ചെ​യ്യു​ന്നു​ണ്ട്. എ​ന്നാ​ലും മ​റ്റു വീ​ടു​ക​ൾ ഒ​ന്നും​ത​ന്നെ ഇ​ല്ലാ​ത്ത​തി​നാ​ൽ വീ​ടി​നു​ള്ളി​ൽ ഭീ​തി​യോ​ടെ ക​ഴി​ഞ്ഞു​കൂ​ടു​ന്ന അ​വ​സ്ഥ​യാ​ണ് ബാ​ബു​ന​ഗ​റി​ലെ കു​ടും​ബ​ങ്ങ​ൾ​ക്കു​ള്ള​ത്.

വീ​ടു​ക​ൾ​ക്ക് മൂ​ന്ന് പ​തി​റ്റാ​ണ്ടി​ലേ​റെ പ​ഴ​ക്കം

മൂ​ന്ന് പ​തി​റ്റാ​ണ്ടു​മു​മ്പ് ഹൗ​സി​ങ് ബോ​ർ​ഡ് നി​ർ​മി​ച്ച് ന​ൽ​കി​യ വീ​ടു​ക​ളാ​ണി​ത്. രാ​ജീ​വ് ഗാ​ന്ധി കോ​ള​നി എ​ന്ന പേ​രി​ൽ നി​ർ​മി​ച്ചു​ന​ൽ​കി​യ ഇ​വി​ടെ നി​ര​വ​ധി കു​ടും​ബ​ങ്ങ​ളാ​ണ് താ​മ​സി​ച്ചി​രു​ന്ന​ത്. 50 കു​ടും​ബ​ങ്ങ​ൾ​ക്ക് വീ​ട് ന​ൽ​കി​യ​തോ​ടെ ഈ ​പ്ര​ദേ​ശം ‘അ​മ്പ​ത് വീ​ട്’ എ​ന്ന പേ​രി​ൽ അ​റി​യ​പ്പെ​ടാ​ൻ തു​ട​ങ്ങി.

ആ ​പേ​രി​ലാ​ണ് ഇ​പ്പോ​ഴും ഇ​വി​ടം അ​റി​യ​പ്പെ​ടു​ന്ന​ത്. എ​ന്നാ​ൽ, നി​ർ​മി​ച്ച് ന​ൽ​കി​യ​ത​ല്ലാ​തെ പി​ന്നീ​ട് അ​റ്റ​കു​റ്റ​പ്പ​ണി ന​ട​ത്താ​ത്ത​താ​ണ് ഇ​വ​ർ​ക്ക് തി​രി​ച്ച​ടി​യാ​യ​ത്. ചി​ല​രെ​ല്ലാം സ്വ​ന്തം നി​ല​യി​ൽ അ​റ്റ​കു​റ്റ​പ്പ​ണി ന​ട​ത്തി​യെ​ങ്കി​ലും സാ​മ്പ​ത്തി​ക സ്ഥി​തി കു​റ​ഞ്ഞ​വ​ർ​ക്കാ​ണ് തി​രി​ച്ച​ടി​യാ​യ​ത്.