വണ്ടിപ്പെരിയാർ കള്ളനോട്ട് കേസിലെ മുഖ്യപ്രതി കസ്റ്റഡിയിൽ

കു​മ​ളി: വ​ണ്ടി​പ്പെ​രി​യാ​ർ ഡൈ​മു​ക്കി​ൽ​നി​ന്ന്​ ക​ള്ള​നോ​ട്ട് പി​ടി​കൂ​ടി​യ സം​ഭ​വ​ത്തി​ലെ പ്ര​ധാ​ന പ്ര​തി​യാ​യ ത​മി​ഴ്നാ​ട് വി​രു​ത​പാ​ക്കം ഗാ​ന്ധി​ന​ഗ​ർ സ്വ​ദേ​ശി സു​ബ്ര​ഹ്മ​ണ്യ​നെ തെ​ളി​വെ​ടു​പ്പി​ന്​ വ​ണ്ടി​പ്പെ​രി​യാ​ർ പൊ​ലീ​സ് ക​സ്റ്റ​ഡി​യി​ൽ വാ​ങ്ങി. ത​മി​ഴ്നാ​ട് പൊ​ലീ​സ് അ​റ​സ്റ്റ് ചെ​യ്ത ഇ​യാ​ളെ തെ​ളി​വെ​ടു​പ്പി​നാ​ണ് കേ​ര​ള പൊ​ലീ​സി​ന് വി​ട്ടു​ന​ൽ​കി​യ​ത്. വ​ണ്ടി​പ്പെ​രി​യാ​ർ ക​ള്ള​നോ​ട്ട് കേ​സി​ൽ നേ​ര​ത്തേ ഏ​ഴു​പേ​രെ അ​റ​സ്റ്റ് ചെ​യ്തി​രു​ന്നു. ത​മി​ഴ്നാ​ട്ടി​ൽ​നി​ന്നാ​ണ് ക​ള്ള​നോ​ട്ട് എ​ത്തി​ച്ച​തെ​ന്ന പ്ര​തി​ക​ളു​ടെ മൊ​ഴി​യു​ടെ അ​ടി​സ്ഥാ​ന​ത്തി​ൽ കേ​സി​ലെ മു​ഖ്യ​ക​ണ്ണി​ക്കാ​യു​ള്ള അ​ന്വേ​ഷ​ണ​ത്തി​നി​ട​യി​ലാ​ണ് ചെ​ന്നൈ​യി​ൽ 45 ല​ക്ഷം രൂ​പ​യു​ടെ ക​ള്ള​നോ​ട്ടും നോ​ട്ട് അ​ടി​ക്കാ​നു​പ​യോ​ഗി​ക്കു​ന്ന മെ​ഷീ​നു​മാ​യി സു​ബ്ര​ഹ്മ​ണ്യ​നെ ത​മി​ഴ്നാ​ട്​ പൊ​ലീ​സ് അ​റ​സ്റ്റ് ചെ​യ്ത​ത്. സു​ബ്ര​ഹ്മ​ണ്യ​ൻ വ​ഴി​യാ​ണ് വ​ണ്ടി​പ്പെ​രി​യാ​റി​ൽ ക​ള്ള​നോ​ട്ട് എ​ത്തി​ച്ച​തെ​ന്ന വി​വ​ര​ത്തി​ന്‍റെ അ​ടി​സ്ഥാ​ന​ത്തി​ലാ​ണ് മു​ഖ്യ​പ്ര​തി സു​ബ്ര​ഹ്മ​ണ്യ​നെ വ​ണ്ടി​പ്പെ​രി​യാ​ർ പൊ​ലീ​സ് ക​സ്റ്റ​ഡി​യി​ൽ വാ​ങ്ങി​യ​ത്.

ത​മി​ഴ്നാ​ട് പൊ​ലീ​സി​ന്റെ സാ​ന്നി​ധ്യ​ത്തി​ൽ വ​ണ്ടി​പ്പെ​രി​യാ​റി​ൽ എ​ത്തി​ച്ച പ്ര​തി​യി​ൽ​നി​ന്ന്​ വി​ശ​ദ​മാ​യി തെ​ളി​വെ​ടു​ത്തു. ഇ​യാ​ൾ ത​ന്നെ​യാ​ണ് മു​മ്പ് കേ​സി​ൽ പി​ടി​യി​ലാ​യ​വ​ർ​ക്ക് ക​ള്ള​നോ​ട്ട് കൈ​മാ​റി​യ​തെ​ന്ന് പൊ​ലീ​സ് സ്ഥി​രീ​ക​രി​ച്ചു