സ്വത്ത്​ തട്ടിയെടുത്ത്​ ഏക മകൾ ഉപേക്ഷിച്ചെന്ന്​ വയോധികയുടെ പരാതി

നെ​ടു​ങ്ക​ണ്ടം: കോ​ടി​ക​ളു​ടെ സ്വ​ത്ത് ത​ട്ടി​യെ​ടു​ത്ത ശേ​ഷം രോ​ഗി​യാ​യ വ​യോ​ധി​ക​യെ ഏ​ക മ​ക​ള്‍ ഉ​പേ​ക്ഷി​ച്ച​താ​യി പ​രാ​തി. നെ​ടു​ങ്ക​ണ്ടം ആ​ന​ക്ക​ല്ല് സ്വ​ദേ​ശി​നി ച​ള്ളി​യി​ല്‍ ശ്യാ​മ​ള ച​ക്ര​പാ​ണി​യാ​ണ് മു​ഖ്യ​മ​ന്ത്രി അ​ട​ക്ക​മു​ള്ള​വ​ർ​ക്ക്​ പ​രാ​തി ന​ൽ​കി​യ​ത്.

നാ​ല് ഏ​ക്ക​റോ​ളം ഭൂ​മി സ്വ​ന്തം പേ​രി​ൽ എ​ഴു​തി വാ​ങ്ങു​ക​യും പി​താ​വി​ന് അ​ർ​ബു​ദ​മാ​​ണെ​ന്ന്​ അ​റി​ഞ്ഞ​തോ​ടെ രോ​ഗ വി​വ​രം മ​റ​ച്ചു​വെ​ച്ച്​ മാ​താ​പി​താ​ക്ക​ളെ ഉ​പേ​ക്ഷി​ക്കു​ക​യു​മാ​യി​രു​ന്നു എ​ന്നാ​ണ്​ പ​രാ​തി. കോ​മ്പ​യാ​റി​ലും ആ​ന​ക്ക​ല്ലി​ലു​മാ​യി ശ്യാ​മ​ള​യു​ടേ​യും ഭ​ര്‍ത്താ​വ് ച​ക്ര​പാ​ണി​യു​ടേ​യും ഉ​ട​മ​സ്ഥ​യി​ല്‍ ഭൂ​മി ഉ​ണ്ടാ​യി​രു​ന്നു.

വി​വി​ധ ആ​വ​ശ്യ​ങ്ങ​ള്‍ പ​റ​ഞ്ഞ് പ​ല ത​വ​ണ​യാ​യി മ​ക​ള്‍ വ​സ്തു​വ​ക​ക​ള്‍ സ്വ​ന്തം പേ​രി​ലേ​ക്ക് മാ​റ്റി​യെ​ടു​ത്തു. പി​ന്നീ​ട് മ​ക​ൾ​ക്കൊ​പ്പം നെ​ടു​ങ്ക​ണ്ട​ത്തെ വീ​ട്ടി​ലാ​യി​രു​ന്നു താ​മ​സം. ഒ​ന്ന​ര വ​ര്‍ഷം മു​മ്പ്​ ച​ക്ര​പാ​ണി അ​ർ​ബു​ദ​ബാ​ധി​ത​നാ​യി.

എ​ന്നാ​ൽ, ചി​കി​ത്സി​ക്കാ​ൻ മ​ക​ള്‍ ത​യാ​റാ​യി​ല്ല​ത്രെ. ത​ങ്ങ​ളെ വീ​ടി​ന്​ പി​ന്നി​ലെ മു​റി​യി​ലേ​ക്ക് മാ​റ്റി​യെ​ന്നും കൃ​ത്യ​മാ​യി ഭ​ക്ഷ​ണം പോ​ലും ന​ൽ​കി​യി​ല്ലെ​ന്നും ശ്യാ​മ​ള പ​റ​യു​ന്നു. ബ​ന്ധു​ക്ക​ൾ ആ​ശു​പ​ത്രി​യി​ല്‍ എ​ത്തി​ച്ച​തോ​ടെ​യാ​ണ് ച​ക്ര​പാ​ണി രോ​ഗ​ബാ​ധി​ത​നാ​ണെ​ന്ന് മ​റ്റു​ള്ള​വ​ര്‍ അ​റി​ഞ്ഞ​ത്. പി​താ​വ് നാ​ല്​ മാ​സം കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ക​ഴി​ഞ്ഞി​ട്ടും മ​ക​ൾ എ​ത്തി​യി​ല്ല. നാ​ല് മാ​സം മു​മ്പ്​ ച​ക്ര​പാ​ണി മ​രി​ച്ചു. പി​ന്നീ​ട് ആ​ന​ക്ക​ല്ലി​ലെ വീ​ട്ടി​ലേ​ക്ക് ഇ​വ​ര്‍ മ​ട​ങ്ങി.

വീ​ട്ടി​ല്‍നി​ന്ന്​ ഇ​റ​ങ്ങി​യി​ല്ലെ​ങ്കി​ല്‍ വൃ​ദ്ധ​സ​ദ​ന​ത്തി​ല്‍ ആ​ക്കു​മെ​ന്ന് മകൾ ഭീ​ഷ​ണിപ്പെ​ടു​ത്തു​ന്ന​താ​യി ശ്യാ​മ​ള പ​റ​യു​ന്നു. കേ​ര​ള ബാ​ങ്ക് ജീ​വ​ന​ക്കാ​രി​യാ​ണ് മ​ക​ള്‍. ഭ​ര്‍ത്താ​വ് സ​ര്‍ക്കാ​ര്‍ ഉ​ദ്യോ​ഗ​സ്ഥ​നാ​ണ്. ത​നി​ക്ക് കു​ടും​ബ വി​ഹി​ത​മാ​യി ല​ഭി​ച്ച 35 സെ​ന്റ് സ്ഥ​ല​വും ആ​ന​ക്ക​ല്ലി​ലെ വീ​ടും തി​രി​കെ ന​ല്‍ക​ണ​മെ​ന്നാ​ണ്​ ശ്യാ​മ​ള​യു​ടെ ആ​വ​ശ്യം. സ​ഹ​ക​ര​ണ മ​ന്ത്രി, സ്ഥ​ലം എം.​എ​ൽ.​എ, കേ​ര​ള ബാ​ങ്ക് ചെ​യ​ർ​മാ​ൻ, വ​നി​ത ക​മീ​ഷ​ൻ, മ​നു​ഷ്യാ​വ​കാ​ശ ക​മീ​ഷ​ൻ, പൊ​ലീ​സ്, റ​വ​ന്യൂ അ​ധി​കൃ​ത​ര്‍ എ​ന്നി​വ​ർ​ക്കും പ​രാ​തി ന​ൽ​കി.