കരിഞ്ഞുണങ്ങി ഏലച്ചെടികള്‍; കണ്ണീരണിഞ്ഞ് കര്‍ഷകര്‍

അ​ടി​മാ​ലി: വേ​ന​ല്‍ ക​ടു​ത്ത​തോ​ടെ ഇ​ടു​ക്കി​യി​ല്‍ ഏ​ല​ച്ചെ​ടി​ക​ൾ ക​രി​ഞ്ഞു​ണ​ങ്ങു​ന്നു. വി​ല​യി​ടി​വി​ല്‍ ന​ട്ടം തി​രി​ഞ്ഞ ക​ര്‍ഷ​ക​ര്‍ക്ക് പെ​െ​ട്ട​ന്നു​ണ്ടാ​യ കൃ​ഷി നാ​ശം ഇ​രു​ട്ട​ടി​യാ​യി.

നെ​ടു​ങ്ക​ണ്ടം, ഉ​ടു​മ്പ​ന്‍ചോ​ല, രാ​ജാ​ക്കാ​ട്, പാ​മ്പാ​ടും​പാ​റ, രാ​ജ​കു​മാ​രി, ശാ​ന്ത​ന്‍പാ​റ, ബൈ​സ​ണ്‍വാ​ലി മേ​ഖ​ല​ക​ളി​ലാ​ണ് കൃ​ഷി​നാ​ശം വ്യാ​പ​കം. ഉ​ടു​മ്പ​ന്‍ചോ​ല​യി​ല്‍ മാ​ത്രം ഹെ​ക്ട​ര്‍ ക​ണ​ക്കി​ന് തോ​ട്ട​മാ​ണ് വേ​ന​ല്‍ ചൂ​ടി​ല്‍ ക​രി​ഞ്ഞു​ണ​ങ്ങു​ന്ന​ത്.

മു​ന്‍വ​ര്‍ഷ​ങ്ങ​ളി​ല്‍നി​ന്ന്​ വ്യ​ത്യ​സ്​​ത​മാ​യി അ​തി​വേ​ഗ​മാ​ണ് ഏ​ല​ച്ചെ​ടി​ക​ളു​ടെ നാ​ശം. ബാ​ങ്ക് വാ​യ്പ​യെ​ടു​ത്തും പ​ലി​ശ​ക്ക്​ വാ​ങ്ങി​യും കൃ​ഷി​ക്കാ​യി ല​ക്ഷ​ങ്ങ​ള്‍ മു​ട​ക്കി​യ ക​ര്‍ഷ​ക​രു​ടെ ജീ​വി​തം ഇ​തോ​ടെ പ്ര​തി​സ​ന്ധി​യി​ലാ​യി.

ചെ​റു​കി​ട​ക്കാ​ര്‍ മു​ത​ല്‍ വ​ന്‍കി​ട​ക്കാ​ര്‍വ​രെ ഈ ​കൃ​ഷി​യെ ആ​ശ്ര​യി​ച്ചു​ക​ഴി​യു​ന്നു. പ​ത്ത് ചു​വ​ട് ചെ​ടി​യെ​ങ്കി​ലും ഇ​ല്ലാ​ത്ത വീ​ട് മ​ല​യോ​ര മേ​ഖ​ല​യി​ല്‍ ഇ​ല്ലെ​ന്ന് പ​റ​യാം. വ​ന്‍കി​ട തോ​ട്ട​ങ്ങ​ളി​ല്‍ പ​ണി​യെ​ടു​ത്ത് ഉ​പ​ജീ​വ​നം ന​ട​ത്തു​ന്ന ആ​യി​ര​ക്ക​ണ​ക്കി​ന് പേ​ര്‍ വേ​റെ​യു​മു​ണ്ട്.

ര​ണ്ട് പ്ര​ള​യ​ത്തി​ല്‍ നൂ​റു​ക​ണ​ക്കി​ന് ഏ​ക്ക​ര്‍ സ്ഥ​ല​ത്തെ കൃ​ഷി ന​ശി​ച്ചി​രു​ന്നു. ഇ​വ​യെ അ​തി​ജീ​വി​ച്ച​തും വീ​ണ്ടും കൃ​ഷി ന​ട​ത്തി​യ​വ​യു​മാ​ണ് ചൂ​ട് താ​ങ്ങാ​നാ​കാ​തെ ക​രി​ഞ്ഞു​ണ​ങ്ങു​ന്ന​ത്.

ഇ​ല​ക​ളും ത​ണ്ടും വാ​ടി​ക്ക​രി​യു​ന്ന​തി​നൊ​പ്പം ശ​ര​ങ്ങ​ളും ഉ​ണ​ങ്ങി​പ്പോ​കു​ന്ന​തി​നാ​ല്‍ വ​രും വ​ര്‍ഷ​ങ്ങ​ളി​ല്‍ ഒ​രു വ​രു​മാ​ന​വും ല​ഭി​ക്കാ​ത്ത സ്ഥി​തി​യു​ണ്ടാ​കും. പു​ഴ​ക​ളും തോ​ടു​ക​ളും കു​ള​ങ്ങ​ളും ഉ​ള്‍പ്പെ​ടെ വ​റ്റി​യ​തി​നാ​ല്‍ ന​ന​ക്കാ​ൻ വെ​ള്ള​മി​ല്ല.

പ​തി​നാ​യി​ര​ങ്ങ​ള്‍ മു​ട​ക്കി സ്ഥാ​പി​ച്ച ഡ്രി​പ് ഇ​റി​ഗേ​ഷ​ന്‍ ഉ​ള്‍പ്പെ​ടെ ജ​ല​സേ​ച​ന സം​വി​ധാ​ന​ങ്ങ​ള്‍പോ​ലും പാ​ഴാ​യി. വ​ന്‍ തു​ക മു​ട​ക്കി ത​ണ​ല്‍ വ​ല​ക​ള്‍ വാ​ങ്ങി വ​ലി​ച്ചു​കെ​ട്ടി​യി​ട്ടും ചൂ​ടി​നെ ത​ടു​ക്കാ​ന്‍ ക​ഴി​യു​ന്നി​ല്ല. സ്ഥ​ലം പാ​ട്ട​ത്തി​നെ​ടു​ത്ത് കൃ​ഷി​യി​റ​ക്കി​യ​വ​രാ​ണ് ഏ​റെ ബു​ദ്ധി​മു​ട്ടു​ന്ന​ത്.

ചൂ​ടി​നെ അ​തി​ജീ​വി​ച്ച ചെ​ടി​ക​ളി​ല്‍ കീ​ട​ങ്ങ​ള്‍ കൂ​ട്ട​ത്തോ​ടെ ചേ​ക്കേ​റു​ന്ന​തും കു​മി​ള്‍ ബാ​ധ​യും സ്ഥി​തി ഗു​രു​ത​ര​മാ​ക്കു​ന്നു. ഉ​ണ​ക്ക് ബാ​ധി​ച്ച് ന​ശി​ച്ച ചെ​ടി​ക​ള്‍ ചു​വ​ടെ പി​ഴു​തു​മാ​റ്റി നി​ല​മൊ​രു​ക്കി കാ​ല​വ​ര്‍ഷാ​രം​ഭ​ത്തി​ല്‍ പു​തി​യ കൃ​ഷി​യി​റ​ക്കു​ക മാ​ത്ര​മാ​ണ് ക​ര്‍ഷ​ക​ര്‍ക്ക് മു​ന്നി​ലു​ള്ള മാ​ര്‍ഗം.

എ​ന്നാ​ല്‍, ഇ​തി​െൻറ ചെ​ല​വ് മി​ക്ക​വ​ര്‍ക്കും താ​ങ്ങാ​ന്‍ പ​റ്റു​ന്ന​ത​ല്ല. കാ​ലാ​വ​സ്ഥ അ​നു​കൂ​ല​മാ​യാ​ൽ​പോ​ലും റീ ​പ്ലാ​ൻ​റ്​്​ ചെ​യ്ത​വ​യി​ല്‍നി​ന്ന്​ വി​ള​വു​ല​ഭി​ക്കാ​ന്‍ കു​റ​ഞ്ഞ​ത് ഒ​ന്ന​ര വ​ര്‍ഷ​മെ​ങ്കി​ലും വേ​ണ്ടി​വ​രു​മെ​ന്ന​തും പ്ര​തി​സ​ന്ധി​ക്ക് ആ​ക്കം കൂ​ട്ടു​ന്നു.