മുള്ളരിങ്ങാട്​ എ.ടി.എം സെൻറർ തുറക്കണം

മുള്ളരിങ്ങാട്​ എ.ടി.എം സൻെറർ തുറക്കണം വണ്ണപ്പുറം: പഞ്ചായത്തിലെ മുള്ളരിങ്ങാട് എ.ടി.എം സൻെറർ അനുവദിക്കണമെന്ന് കേരള കോൺഗ്രസ്-എം മേഖല കമ്മിറ്റി ആവശ്യപ്പെട്ടു. മലയോര മേഖലയായ ഇവിടെ ബാങ്കുകൾ ഇല്ല. വണ്ണപ്പുറം പഞ്ചായത്തിലെ ആറ് വാർഡുകൾ ഈ മേഖലയിലാണ്. അഞ്ച്​ കി.മീ. അകലെ വണ്ണപ്പുറം ടൗണിൽ എത്തിയെങ്കിൽ മാത്രമേ ബാങ്ക് ഇടപാടുകൾ നടത്താൻ കഴിയൂ. പാർട്ടി നിയോജക മണ്ഡലം പ്രസിഡൻറ് ജിമ്മി മറ്റത്തിപ്പാറ യോഗം ഉദ്ഘാടനം ചെയ്തു. ഷിബു പോത്തനാമൂഴി അധ്യക്ഷത വഹിച്ചു. സ്​റ്റിയറിങ്​ കമ്മിറ്റി അംഗം അഗസ്​റ്റിൻ വട്ടക്കുന്നേൽ പാർട്ടിയിലേക്ക്​ പുതുതായി കടന്നുവന്നവർക്ക് അംഗത്വം നൽകി. ജയകൃഷ്ണൻ പുതിയേടത്ത്, ജോജോ അറക്കകണ്ടം, പി.ജി. ജോയ്, തോമസ് തെങ്ങുംതോട്ടം, പി.ജി. സുരേന്ദ്രൻ, തങ്കച്ചൻ മേട്ടുമ്പുറം, ഡെൻസിൽ വെട്ടിക്കുഴിച്ചാലിൽ, ഷിബു പുല്ലുംപുറത്ത്, സിനു അയ്യൻകോലിൽ, സിബി കാരാടിയിൽ തുടങ്ങിയവർ സംസാരിച്ചു. ------------------- വന്യജീവി ആക്രമണം: ലോക്​സഭയിൽ അടിയന്തരപ്രമേയ നോട്ടീസ് ഇടുക്കി: കാട്ടാനയുടെയും മറ്റു വന്യമൃഗങ്ങളുടെയും തുടർച്ചയായ ആക്രമണത്തിൽ കൃഷിക്കാർക്കുണ്ടാകുന്ന ബുദ്ധിമുട്ടുകൾ ചർച്ചചെയ്യുന്നതിന് ഡീൻ കുര്യാക്കോസ് എം.പി അടിയന്തര പ്രമേയത്തിന് ലോക്സഭയിൽ നോട്ടീസ് നൽകി. 10 വർഷത്തിനിടയിൽ 40 ആളുകൾ കാട്ടാനയുടെയും മറ്റ്​ വന്യമൃഗങ്ങളുടെയും ആക്രമണത്തിൽ മരിച്ചിട്ടുണ്ട്. കേരളത്തിൽ ഏറ്റവും കൂടുതൽ വനഭൂമിയും കൃഷിസ്ഥലവും അതിർത്തി പങ്കിടുന്ന പാർലമൻെറ്​ മണ്ഡലം ഇടുക്കിയാണ്. ഏക്കർകണക്കിന് കൃഷി ഭൂമികൾ നശിപ്പിക്കപ്പെട്ടു. ആവശ്യത്തിന് മുൻകരുതലും പ്രതിരോധ മാർഗങ്ങളും കണ്ടെത്താൻ സർക്കാർ പരാജയപ്പെട്ടു. ഇക്കാര്യത്തിൽ അടിയന്തരമായി പ്രശ്നപരിഹാരം ഉണ്ടാകണമെന്ന് ആവശ്യപ്പെട്ടാണ് എം.പി നോട്ടീസ് നൽകിയത്. എന്നാൽ, പ്രമേയം ചർച്ചക്ക് എടുത്തില്ല. ---------------------------