കുളമാവിൽ ഓട്ടത്തിനിടെ കാർ കത്തിനശിച്ചു

ചെറുതോണി: കുളമാവ് അണക്കെട്ടിനു മുകളിൽ ഓടിക്കൊണ്ടിരുന്ന കാർ കത്തിനശിച്ചു. ആളപായമില്ല. ഞായറാഴ്ച രാവിലെയാണ് സംഭവം. എറണാകുളം കുണ്ടന്നൂരിൽനിന്ന് കട്ടപ്പനക്ക്​ സഞ്ചരിച്ച കുടുംബം തലനാരിഴ വ്യത്യാസത്തിൽ രക്ഷപ്പെട്ടു. കാറി​ൻെറ മുൻഭാഗത്തുനിന്ന്​ പുക ഉയരുന്നതുകണ്ട് പുറത്തിറങ്ങി നോക്കുന്നതിനിടയിൽ കാറിൽ തീ ആളിപ്പടർന്നു. വാഹനം ഓടിച്ചിരുന്നത് ആൻറണി അമ്പലത്തിങ്കലാണ്. ഇദ്ദേഹത്തി​ൻെറ ഒപ്പം ഭാര്യയും മകളും ഉണ്ടായിരുന്നു. ഡാമിന് കാവൽനിന്ന പൊലീസും നാട്ടുകാരും ചേർന്നാണ്​ തീയണച്ചത്​. ​TDL KAR KATHI കുളമാവ് ഡാമിന് മുകളിൽ​െവച്ച് കാറിന്​ തീപിടിച്ചപ്പോൾ