കാത്തിരിപ്പിന്​ അറുതി; മുട്ടത്തെ ഇരട്ടവീടുകൾ ഒറ്റവീടുകളാക്കും

മുട്ടം: തോട്ടുങ്കര ലക്ഷംവീട് കോളനിയിലെ ഇരട്ടവീടുകൾ ഒറ്റവീടാക്കാൻ കഴിഞ്ഞ ദിവസം ചേർന്ന പഞ്ചായത്ത് കമ്മിറ്റിയിൽ തീരുമാനം. പുതിയ സർക്കാർ ഉത്തരവ് അനുസരിച്ച് ഇരട്ട വീടുകൾ ഒറ്റവീടാക്കൽ പദ്ധതിയിൽപെടുത്തിയാണ് നടപടിക്കൊരുങ്ങുന്നത്​. ഇതിന്​ ഒന്നര കോടിയോളം രൂപ വേണ്ടിവരും. ബ്ലോക്ക്, ജില്ല പഞ്ചായത്തുകള​ുടെയും എം.എൽ.എ, എം.പി എന്നിവരുടെയും സഹകരണത്തോടെ പദ്ധതി പൂർണ തോതിൽ എത്തിക്കാൻ സാധിക്കുമെന്ന് പഞ്ചായത്ത് പ്രസിഡൻറ്​ ഷൈജ ജോമോൻ പറഞ്ഞു. പഞ്ചായത്ത് കമ്മിറ്റി തീരുമാനം എടുത്തേതോടെ ചോർന്നൊലിക്കുന്ന വീട്ടിൽനിന്ന് ഉറപ്പുള്ള വീടുകളിലേക്ക് മാറാൻ കഴിയുമെന്ന പ്രതീക്ഷയിലാണ്​ ലക്ഷംവീട് നിവാസികൾ. നാല് പതിറ്റാണ്ടിലധികമായി ഇവർ താമസിക്കുന്നത് ഒരുഭിത്തിക്ക് ഇരു വശത്തുമായാണ്. 14 ഇരട്ടവീട്ടിലായി 28 കുടുംബമാണ് ഇവിടെ താമസിക്കുന്നത്. കാലഹരണപ്പെട്ട വീടുകളിൽ ഏറെ ബുദ്ധിമുട്ടിയാണ്​ കഴിയുന്നത്​. ഓടുമേഞ്ഞ ഇത്തരം വീടുകൾ പലതും ചോർന്നൊലിച്ച്​ ജീർണാവസ്ഥയിലാണ്​​. ഇരട്ടവീടായതിനാൽ അറ്റകുറ്റപ്പണിയും ബുദ്ധിമുട്ടിലാണ്. --- ​TDL 103 muttom മുട്ടത്തെ ഇരട്ട വീടുകളിലൊന്ന്​ ----------- കെട്ടിടത്തി​ൻെറ തകർന്ന ഭാഗത്ത്​ ഷട്ടർ സ്ഥാപിക്കും തൊടുപുഴ: തൊടുപുഴയില്‍ നഗരസഭ കെട്ടിടത്തി​ൻെറ മുഖവാരവും ബോര്‍ഡും അടര്‍ന്നുവീണ് കാര്‍ തകര്‍ന്ന സംഭവത്തില്‍ അവശേഷിക്കുന്ന ഭാഗങ്ങള്‍ പൊളിച്ചുനീക്കാനും കാര്‍ ഉടമക്ക്​ നഷ്​ടപരിഹാരവും നൽകാൻ വ്യാപാരസ്ഥാപനത്തിന് നഗരസഭ നിര്‍ദേശം നല്‍കി. കൂടാതെ, തകര്‍ന്ന സ്ഥലത്ത് നഗരസഭയുടെ നേതൃത്വത്തില്‍ ഷട്ടര്‍ സ്ഥാപിക്കാനും കൗണ്‍സില്‍ യോഗത്തില്‍ തീരുമാനം. ടാക്സി സ്​റ്റാൻഡിന്​ സമീപം നഗരസഭയുടെ ഉടമസ്ഥതയി​െല അശ്വതി കോംപ്ലക്സിന്​ മുന്നിലെ മുഖവാരവും ജ്വല്ലറിയുടെ ബോര്‍ഡുമാണ് തിങ്കളാഴ്ച രാത്രി എട്ടോടെ വലിയ ശബ്​ദത്തോടെ അടര്‍ന്നു വീണത്. കെട്ടിടത്തിനുമുന്നില്‍ പാര്‍ക്കുചെയ്തിരുന്ന വെങ്ങല്ലൂര്‍ അഞ്ചുകണ്ടത്തില്‍ ടോം തോമസി​ൻെറ കാറാണ് തകര്‍ന്നത്. ഈ സമയം ആളുകൾ ഇല്ലാതിരുന്നതിനാൽ വൻ അപകടമാണ്​ ഒഴിവായത്​.