അര നൂറ്റാണ്ടി​െൻറ ആ ബസ്​ ഓട്ടം നിലച്ചു

അര നൂറ്റാണ്ടി​ൻെറ ആ ബസ്​ ഓട്ടം നിലച്ചു നെടുങ്കണ്ടം: കായംകുളം-നെടുങ്കണ്ടം സര്‍വിസ് നടത്തിയിരുന്ന സ്വകാര്യ ബസിന്​ സഡന്‍ ബ്രേക്കിട്ടു. ഇനി ഡബിള്‍ ​െബല്‍ അടിച്ചാലും മുന്നോട്ടുനീങ്ങില്ല. അഞ്ച് പതിറ്റാണ്ടോളമായി ഹൈറേഞ്ചിലേക്ക് സര്‍വിസ് നടത്തിയിരുന്ന സ്വകാര്യ ബസാണ് ഓട്ടം നിര്‍ത്തിയത്. രാവിലെ എട്ടിന് കായംകുളത്തുനിന്ന്​ പുറപ്പെട്ട്്് ചങ്ങനാശ്ശേരി, കുട്ടിക്കാനം, കട്ടപ്പന വഴി ഉച്ചയോടെ െനടുങ്കണ്ടത്തെത്തിയിരുന്ന കല്ലൂപ്പറമ്പില്‍ മോട്ടേഴ്‌സിനെ പെട്ടെന്ന്്് ആര്‍ക്കും മറക്കാനാവില്ല. കാരണം ഈ ബസിന് മറ്റൊരു സവിശേഷത കൂടിയുണ്ടായിരുന്നു, കായംകുളത്തുനിന്ന്​ സ്വര്‍ണം, വെള്ളി ഉരുപ്പടികളുമായി സ്വര്‍ണപ്പണിക്കാര്‍ ഹൈറേഞ്ചിലേക്കും തിരികെ പോകുമ്പോള്‍ സുഗന്ധവ്യഞ്ജനങ്ങളും കയറ്റിഅയച്ചിരുന്നു. മലഞ്ചരക്ക് വിപണിക്കും ആഭരണശാലക്കും ഏറെ ഗുണം ചെയ്തിരുന്ന ബസാണ്​ ഇപ്പോള്‍ ഓട്ടം നിര്‍ത്തിയിരിക്കുന്നത്. കായംകുളത്തുനിന്ന്​ ധാരാളം സ്വര്‍ണപ്പണിക്കാര്‍ ഈ വാഹനത്തില്‍ കയറുമായിരുന്നു. ഹൈറേഞ്ച്്് മേഖലയിലെ സ്വര്‍ണവ്യാപാരികള്‍ക്കും ചില തോട്ടംഉടമകള്‍ക്കും ആവശ്യമായ സ്വര്‍ണം, വെള്ളി ഉരുപ്പടികളുമായിട്ടായിരുന്നു സ്വര്‍ണപ്പണിക്കാര്‍ കയറിയിരുന്നത്. ബസ് തിരികെ പോകുമ്പോള്‍ യാത്രക്കാരെ മാത്രമായിരുന്നില്ല കൊണ്ടുപോയിരുന്നത്​. ഗുണമേന്മയുള്ള കറുത്ത പൊന്ന്്, പച്ചപ്പൊന്ന്​, ഗ്രാമ്പൂ തുടങ്ങിയ സുഗന്ധ വ്യഞ്ജനങ്ങളും നാട്ടിന്‍പുറങ്ങളിലേക്ക് കയറ്റി അയക്കുമായിരുന്നു. അഞ്ചു പതിറ്റാണ്ടോളമായി മുടങ്ങാതെയുള്ള സര്‍വിസായിരുന്നു. വൈകുന്നേരങ്ങളില്‍ കട്ടപ്പനയില്‍നിന്ന്​ കുട്ടിക്കാനം ഭാഗത്തേക്ക് പുറപ്പെടുന്ന അവസാന ബസ് സര്‍വിസുകുടിയായിരുന്നു ഇത്. വരുമാനം കുത്തനെ ഇടിഞ്ഞതിനാലും രാത്രികാല നിയന്ത്രണങ്ങളാലുമാണ്​ സര്‍വിസ് നിര്‍ത്തിയത്. മികച്ച കലക്​ഷനുണ്ടായിരുന്നു. ക്രമേണ കാഞ്ഞിരക്കാട്ട്, ട്രിനിറ്റി, ആശ എന്നീ ബസ് കമ്പനികള്‍ സര്‍വിസ് ഏറ്റെടുത്തിരുന്നു. ഒടുവില്‍ ആശ എന്ന ബസ് ആയിരുന്നു.