റോഡിലെ പൊടിശല്യം; പ്രതിഷേധിച്ചവർക്കെതിരെ പാർട്ടി സെക്രട്ടറിയും എം.എൽ.എയും

മ​ട്ടാ​ഞ്ചേ​രി: റോ​ഡി​ലെ പൊ​ടി​ശ​ല്യ​ത്തി​നെ​തി​രെ പ്ര​തി​ഷേ​ധി​ച്ച​വ​ർ​ക്കു​നേ​രേ പാ​ർ​ട്ടി സെ​ക്ര​ട്ട​റി​യും എം.​എ​ൽ.​എ​യും തി​രി​ഞ്ഞ​ത് ബ​ഹ​ള​ത്തി​നി​ട​യാ​ക്കി. മ​ട്ടാ​ഞ്ചേ​രി പ​ന​യ​പ്പ​ള്ളി​യി​ലാ​ണ് സം​ഭ​വം. സ്പീ​ക്ക​ർ എ.​എ​ൻ. ഷം​സീ​ർ സ്കൂ​ൾ സ​ർ​ഗോ​ത്സ​വം പ​രി​പാ​ടി ഉ​ദ്ഘാ​ട​നം ചെ​യ്യാ​ൻ വ​രു​ന്ന​തി​റ​ഞ്ഞ് മ​ഹാ​ത്മ സാം​സ്ക്കാ​രി​ക വേ​ദി​യു​ടെ നേ​തൃ​ത്വ​ത്തി​ൽ പ്ര​ദേ​ശ​വാ​സി​ക​ൾ റോ​ഡി​ലെ പൊ​ടി​ശ​ല്യ​ത്തി​നെ​തി​രെ റോ​ഡ​രി​കി​ൽ ച​ങ്ങ​ല തീ​ർ​ത്ത് പ്ര​തി​ഷേ​ധി​ച്ചു.

സ്ത്രീ​ക​ൾ അ​ട​ക്ക​മു​ള്ള​വ​രാ​ണ് പ്ര​തി​ഷേ​ധി​ക്കാ​ൻ എ​ത്തി​യ​ത്. സ്പീ​ക്ക​ർ പ​രി​പാ​ടി​ക്ക് ശേ​ഷം മ​ട​ങ്ങി​പ്പോ​യ​തോ​ടെ സി.​പി.​എം ഏ​രി​യ സെ​ക്ര​ട്ട​റി കെ.​എം. റി​യാ​ദ് സ​മ​ര​ക്കാ​ർ​ക്കു​നേ​രെ തി​രി​ഞ്ഞു. പി​റ​കെ കെ.​ജെ. മാ​ക്സി എം.​എ​ൽ.​എ​യും ഉ​ണ്ടാ​യി​രു​ന്നു. ഇ​തോ​ടെ ഇ​രു​കൂ​ട്ട​രും ത​മ്മി​ൽ ബ​ഹ​ള​മാ​യി. സ​മ​ര​ക്കാ​ർ എ​ത്തു​മെ​ന്ന​റി​ഞ്ഞ് കൂ​ടു​ത​ൽ പൊ​ലീ​സും സ്ഥ​ല​ത്ത് ത​മ്പ​ടി​ച്ചി​രു​ന്നു. ഇ​വ​രു​ടെ സാ​ന്നി​ധ്യ​ത്തി​ലാ​യി​രു​ന്നു പോ​ർ​വി​ളി​യും ബ​ഹ​ള​വും. പി​ന്നീ​ട് പൊ​ലീ​സ് ഇ​ട​പെ​ട്ട് ഇ​രു​കൂ​ട്ട​രെ​യും മാ​റ്റു​ക​യാ​യി​രു​ന്നു.

ക​പ്പ​ല​ണ്ടി​മു​ക്ക് മു​ത​ൽ തോ​പ്പും​പ​ടി വ​രെ റോ​ഡി​ന്‍റെ പ​ല​ഭാ​ഗ​വും പു​ന​ർ​നി​ർ​മാ​ണ​ത്തി​ന്‍റെ ഭാ​ഗ​മാ​യി പൊ​ളി​ച്ചി​ട്ടി​രി​ക്ക​യാ​ണ്. ഒ​രാ​ഴ്ച​യി​ലെ​റെ​യാ​യി പൊ​ടി​ശ​ല്യം​മൂ​ലം വ്യാ​പാ​രി​ക​ളും താ​മ​സ​ക്കാ​രും വ​ല​യു​ക​യാ​ണ്. ബ​സ് സ​ർ​വി​സു​ള്ള റോ​ഡാ​യ​തി​നാ​ൽ പൊ​ടി​ശ​ല്യം ഏ​റെ​യാ​ണ്. മേ​ഖ​ല​യി​ലെ ക​ട​ക​ൾ മി​ക്ക​തും അ​ട​ച്ചി​ട്ടി​രി​ക്ക​യാ​ണ്.

ഇ​തേ തു​ട​ർ​ന്നാ​ണ്​ പ്ര​തി​ഷേ​ധം അ​ര​ങ്ങേ​റി​യ​ത്. സ്പീ​ക്ക​ർ പ​ങ്കെ​ടു​ത്ത വേ​ദി​ക്ക് പു​റ​ത്താ​ണ് ത​ങ്ങ​ൾ പ്ര​തി​ഷേ​ധി​ച്ച​തെ​ന്നും യോ​ഗ വേ​ദി​യി​ലോ അ​ങ്ക​ണ​ത്തി​ലോ പ്ര​തി​ഷേ​ധി​ച്ചി​ട്ടി​ല്ലെ​ന്നും സ​മ​ര​ക്കാ​ർ പ​റ​ഞ്ഞു. ഷ​മീ​ർ വ​ള​വ​ത്ത്, പ്രീ​തി ഡി​ക്സ​ൺ, സു​നി​ത ഷ​മീ​ർ, ജാ​സ്മി പ​ന​യ​പ്പ​ള്ളി, ഹാ​രീ​സ്, അ​സീ​സ് ഇ​സ്സാ​ക്ക് സേ​ട്ട്, സ​ന​ൽ എ​ന്നി​വ​രാ​ണ് സ​മ​ര​ത്തി​ന് നേ​തൃ​ത്വം ന​ൽ​കി​യ​ത്.