ഓടുന്ന കാറിന്റെ ഡിക്കിയിൽ കിടന്ന് യുവാക്കൾ റീൽ
ഷൂട്ട് ചെയ്യുന്ന ദൃശ്യം
കാക്കനാട്: ഓടിക്കൊണ്ടിരുന്ന കാറിന്റെ ഡിക്കിയിൽ കിടന്ന് ആഡംബര കാറിന്റെ റീൽസ് ചിത്രീകരിച്ച യുവാവിന്റെ ലൈസൻസ് സസ്പെൻഡ് ചെയ്തു. സീ പോർട്ട് -എയർപോർട്ട് റോഡിലാണ് സംഭവം. കാർ ഓടിച്ചിരുന്ന അമൽ ദേവിന്റെ ലൈസൻസാണ് എറണാകുളം ആർ.ടി.ഒ സസ്പെൻഡ് ചെയ്തത്. വെള്ളിയാഴ്ച രാവിലെ റോഡ് ടെസ്റ്റ് ഡ്യൂട്ടിക്ക് പോകുന്നതിനിടെ അപകടകരമായ രീതിയിൽ റീലിസ് ചിത്രികരിക്കുന്നത് മോട്ടോർ വെഹിക്കിൾ ഇൻസ്പെക്ടർ വി.ഐ. അസിമിന്റെ ശ്രദ്ധയിൽപെടുകയായിരുന്നു. ഓടുന്ന കാറിന്റെ ഡിക്കിയിലിരുന്ന് രണ്ട് ചെറുപ്പക്കാർ തൂങ്ങി കിടന്ന് റീൽസ് ചിത്രീകരിക്കുന്നത് ഫോണിൽ പകർത്തിയ എം.വി.ഐ വാഹനത്തിന്റെ നമ്പർ കേന്ദ്രീകരിച്ച് നടത്തിയ അന്വേഷണത്തിൽ കാർ ഉടമയെ കണ്ടത്തി ആർ.ടി ഓഫിസിലേക്ക് വിളിച്ചുവരുത്തുകയായിരുന്നു.
ആഡംബര കാറുകളുടെ റീൽസ് ഷൂട്ട് ചെയ്യാൻ പഠിപ്പിക്കുന്ന എട്ടംഗ സംഘമായിരുന്നു അവിടെ ഉണ്ടായിരുന്നതെന്ന് അന്വേഷണത്തിൽ കണ്ടെത്തി. വിഡിയോ പരിശോധിച്ച ആർ.ടി.ഒ എം. ജെർസൺ അപകടകരമായ രീതിയിൽ വാഹനം ഓടിച്ച കുറ്റത്തിന് യുവാവിന്റെ ലൈസൻസ് സസ്പെൻഡ് ചെയ്യുകയായിരുന്നു. മോട്ടോർ വാഹന വകുപ്പിന്റെ ബോധവത്കരണ ക്ലാസിൽ പങ്കെടുക്കാനും നിർദേശിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.