കോതമംഗലം: പിണ്ടിമന പഞ്ചായത്ത് മൂന്നാം വാർഡിലെ ചെങ്കര ചേറാടി പാടശേഖരത്ത് മുണ്ടകൻ നെൽകൃഷിയുടെ വിളവെടുപ്പ് നടന്നു. പിണ്ടിമന കൃഷി ഭവന്റെയും ചേറാടി പാടശേഖരത്തിന്റെയും സംയുക്താഭിമുഖ്യത്തിലാണ് തരിശുകിടന്ന പാടത്ത് രണ്ടാം തവണ കൃഷിയിറക്കിയത്. ചേലാട് ചേറായിൽ വിൻസെന്റ് എന്ന കർഷകന്റെ മൂന്ന് ഏക്കറോളം പാടത്ത് കർഷകരായ ബെന്നി പുതുക്കയിൽ, മാളിയേലിൽ എം.എസ്. ജോർജ്, എൽദോസ് തുടുമ്മേൽ എന്നിവർ പാട്ടത്തിനെടുത്താണ് കൃഷിയിറക്കിയത്. ഗ്രാമപഞ്ചായത്ത് പ്രസിഡൻറ് ജെസി സാജു ഉദ്ഘാടനം ചെയ്തു. സ്ഥിരം സമിതി അധ്യക്ഷന്മാരായ സിബി പോൾ, മേരി പീറ്റർ, ബേസിൽ എൽദോസ്, മെംബർമാരായ എസ്.എം. അലിയാർ, ലത ഷാജി, കൃഷി ഓഫിസർ ബോസ് മത്തായി, കൃഷി അസിസ്റ്റന്റ് വി.കെ. ജിൻസ് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.