കാലടി: െറസിഡന്റ്സ് അസോസിയേഷനുകളുടെ ആഭിമുഖ്യത്തിൽ കൈപ്പട്ടൂർ സ്കൂൾ ഗ്രൗണ്ടിൽ നടന്ന ഫുട്ബാൾ മത്സരത്തിനിടെ സംഘർഷം.കളിക്കാരനായ വിദ്യാർഥിയെ ഒരു കൂട്ടമാളുകൾ വളഞ്ഞിട്ട് മർദിച്ചതായി പരാതി. മേക്കാലടി ഓളോപ്പിളളി വീട്ടിൽ അക്ഷയ് (17)ക്കാണ് മർദനമേറ്റത്.
കൈപ്പട്ടൂർ- ചെങ്ങൽ ഭാഗങ്ങളിൽ നിന്നുള്ളവർ തമ്മിലായിരുന്നു ചൊവ്വാഴ്ച വൈകുന്നേരം മത്സരം നടന്നത്. 4-1 ന് കൈപ്പട്ടൂർ ടീം വിജയിച്ചതിനെ തുടർന്നായിരുന്നു തർക്കം.
അക്ഷയുടെ ഇരുകൈകളും ഒടിഞ്ഞതായും, തലക്ക് പരിക്കുണ്ടെന്നും പിതാവ് രാജേഷ് പറഞ്ഞു. വേറെ മൂന്ന് കളിക്കാർക്കും പരിക്കേറ്റു. പുറത്ത് നിന്നുള്ളവരാണ് മർദിച്ചെതന്ന് കളിക്കാർ പറയുന്നു. നാല് പേർക്കെതിരെ കേസ് എടുത്തതായി സി.ഐ. എൻ.എ. അനൂപ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.