അങ്കമാലി: തുറവൂരിൽ അർധരാത്രി വീടിനകത്ത് കടന്ന് സ്വർണവും പണവും മോഷ്ടിച്ചു. തുറവൂർ ഡയറി കവലയിൽ മുളവരിക്കൽ വീട്ടിൽ അന്തോണി ജോയിയുടെ വീട്ടിലായിരുന്നു മോഷണം നടന്നത്. രണ്ടര പവൻ സ്വർണവും, 15,000 രൂപയുമാണ് കവർന്നത്.
വെള്ളിയാഴ്ച പുലർച്ചെ 1.30ഓടെ മുൻവശത്ത വാതിൽ തുറന്ന് അകത്ത് കയറിയ മോഷ്ടാവ് മുറിയിലെ സ്റ്റാൻഡുകളിൽ സൂക്ഷിച്ചിരുന്ന രണ്ട് പേഴ്സുകളിൽ നിന്നാണ് പണവും, സ്വർണാഭരണവും കവർന്നത്. വീട്ടുകാർ ഉറക്കത്തിലായിരുന്നു.
സമീപത്തെ മറ്റ് ചില വീടുകളിലും മോഷണശ്രമം നടന്നെങ്കിലും ഒന്നും നഷ്ടപ്പെട്ടില്ല. മോഷണ വിവരം രാവിലെയാണ് വീട്ടുകാർ അറിയുന്നത്. ജോയിയുടെ പരാതിയെത്തുടർന്ന് അങ്കമാലി പൊലീസ് എത്തി അന്വേഷണം നടത്തി. സമീപത്തെ വീട്ടിൽ നിന്ന് മോഷ്ടാവിന്‍റേതെന്ന് സംശയിക്കുന്ന സി.സി.ടി.വി ദൃശ്യങ്ങൾ കണ്ടെടുത്തു. വിരലടയാള വിദഗ്ധരും സ്ഥലത്തെത്തി പരിശോധന നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.