കായൽ വിനോദസഞ്ചാരത്തിന് പുതിയ പദ്ധതികളുമായി മുസ്​രിസ് പൈതൃക പദ്ധതി

പറവൂർ: കായൽ വിനോദസഞ്ചാരം കൂടുതൽ ഇടങ്ങളിലേക്ക് വ്യാപിപ്പിക്കുന്നതിന്‍റെയും ആകർഷകമാക്കുന്നതിന്‍റെയും ഭാഗമായി ബാക്ക്​വാട്ടർ ബോട്ട് ക്രൂയിസ്‌, ബീച്ച് ടെന്റ് നൈറ്റ് ക്യാമ്പ് പാക്കേജുകളുമായി മുസ്​രിസ് പൈതൃക പദ്ധതി. കോട്ടപ്പുറം-ഫോർട്ട്കൊച്ചി സമ്മര്‍ ക്രൂയിസ് ബോട്ട് പാക്കേജും അഴീക്കോട് മുസ്​രിസ് മുനക്കൽ ഡോൾഫിൻ ബീച്ചില്‍ ടെന്റുകളിൽ രാത്രി താമസസൗകര്യം നല്‍കുന്ന 'സ്റ്റാർസ് ആൻഡ് വേവ്സ്' നൈറ്റ് ടെന്റ് പാക്കേജും ആരംഭിച്ചതായി മുസ്​രിസ് പൈതൃക പദ്ധതി എം.ഡി പി.എം. നൗഷാദ് അറിയിച്ചു. അവധിക്കാലം ആരംഭിക്കുന്നതോടെ കോട്ടപ്പുറം മുസ്​രിസ് വാട്ടര്‍ ഫ്രണ്ടില്‍നിന്ന് ഫോര്‍ട്ട്‌കൊച്ചിയിലേക്ക് ഏകദിന വിനോദസഞ്ചാര ബോട്ട് സര്‍വിസാണ് ആരംഭിക്കുന്നത്. മുസ്​രിസ് പൈതൃക പദ്ധതി പ്രദേശത്തുനിന്ന് ആരംഭിച്ച് ചെറായി, പള്ളിപ്പുറം, അഴീക്കോട്, ഞാറക്കല്‍, വൈപ്പിന്‍, പുതുവൈപ്പ് എൽ.എൻ.ജി ടെര്‍മിനല്‍, വല്ലാര്‍പാടം കണ്ടെയ്​നര്‍ ടെര്‍മിനല്‍, ബോള്‍ഗാട്ടി വഴി ആദ്യ പോയന്റ്‌ ആയ മട്ടാഞ്ചേരിയില്‍ ഇറങ്ങി ഡച്ച് പാലസ്, ജൂത സിനഗോഗ് തുടങ്ങിയവ കണ്ടശേഷം വീണ്ടും ഫോര്‍ട്ട്‌കൊച്ചിയില്‍ എത്തി ഉച്ചയൂണ് കഴിഞ്ഞ് ബീച്ച് സന്ദർശിച്ച് മടങ്ങുന്നതാണ് പാക്കേജ്. പറവൂർ തട്ടുകടവ് മുസ്​രിസ് ജെട്ടിയിൽനിന്ന് സായാഹ്നങ്ങളിൽ അവർലി ട്രിപ്പുകൾ സൺ റൈസ്​ ഈവനിങ് ക്രൂയിസും ആരംഭിച്ചിട്ടുണ്ട്. അഴീക്കോട് മുസ്​രിസ് മുനക്കല്‍ ഡോള്‍ഫിന്‍ ബീച്ചില്‍ സൂര്യാസ്തമയം ആസ്വദിക്കാം. ചൂണ്ടയിടല്‍, ചീനവലയുടെ പ്രവര്‍ത്തനങ്ങള്‍ തുടങ്ങിയവ നേരിൽ കാണം. രാത്രി ഭക്ഷണം, സംഗീതം, ക്യാമ്പ് ഫയർ തുടങ്ങിയവ ആസ്വദിക്കാം. ടെന്റുകളില്‍ താമസിച്ച് പിറ്റേ ദിവസം സൂര്യോദയവും കണ്ട്​ മടങ്ങുന്ന രീതിയിലാണ് അഴിക്കോട് മുസ്​രിസ് മുനക്കൽ ഡോൾഫിൻ ബീച്ചിൽ നൈറ്റ് ടെന്റ് ക്യാമ്പ് പാക്കേജുകള്‍ സജ്ജീകരിച്ചിരിക്കുന്നതെന്ന് മാർക്കറ്റിങ് മാനേജർ ഇബ്രാഹിം സബിൻ അറിയിച്ചു. കൂടുതല്‍ വിവരങ്ങള്‍ക്ക് സമ്മര്‍ ബോട്ട് ക്രൂയിസ് 859298872. ബീച്ച് ടെന്റ് നൈറ്റ്​ ക്യാമ്പ് 9037252480 നമ്പറുകളിൽ ബന്ധപ്പെടാം. പടം ER kayal vinodam 1 കായൽ വിനോദസഞ്ചാരത്തിന്​ ഏർപ്പെടുത്തിയ ബാക്ക്​വാട്ടർ ബോട്ട്