ശ്രീമൂലനഗരം: ബസ് അപകടം ഒഴിവാക്കിയ അഞ്ചാം ക്ലാസ് വിദ്യാർഥിയായ വാരിശ്ശേരി ആദിത്യന് രാജേഷിനെ കോണ്ഗ്രസ് ശ്രീമൂലനഗരം മണ്ഡലം കമ്മിറ്റിയുടെ നേതൃത്വത്തില് ആദരിച്ചു. ശ്രീമൂലനഗരം അകവൂര് ഹൈസ്കൂളിലെ സ്കൂള് ബസില് വിദ്യാർഥികള് അകത്തിരിക്കെ ഡ്രൈവര് ബസിനുള്ളില് ഇല്ലാതിരുന്ന നേരത്ത് അബദ്ധവശാല് വാഹനം മുന്നോട്ട് നീങ്ങിയപ്പോള് അവസരോചിതമായി ബ്രേക്ക് ചവിട്ടി വാഹനം നിര്ത്തിയതാണ് ആദിത്യന്. വലിയൊരു ദുരന്തത്തില്നിന്ന് രക്ഷിച്ച നാടിന്റെ അഭിമാനമാണ് ആദിത്യനെന്ന് അന്വര് സാദത്ത് എം.എല്.എ പറഞ്ഞു. കോണ്ഗ്രസ് മണ്ഡലം പ്രസിഡന്റ് വി.വി. സെബാസ്റ്റ്യന് അധ്യക്ഷത വഹിച്ചു. ചിത്രം: അഞ്ചാം ക്ലാസ് വിദ്യാര്ഥിയായ വാരിശ്ശേരി ആദിത്യന് രാജേഷിനെ കോണ്ഗ്രസ് ശ്രീമൂലനഗരം മണ്ഡലം കമ്മിറ്റിയുടെ നേതൃത്വത്തില് ആദരിക്കുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.