ജില്ലയിൽ വളർച്ചയുടെ ഗ്രാഫ്​ ഉയർത്തി സി.പി.എം

കൊച്ചി: പാർട്ടി അംഗത്വത്തിൽ 25 ശതമാനം വളർച്ചയുമായി ജില്ലയിൽ സി.പി.എം. നിലവിൽ 41,618 അംഗങ്ങൾ പാർട്ടിക്കുണ്ട്​. സി.ഐ.ടി.യു, കർഷക ​സംഘം, ഡി.വൈ.എഫ്​.ഐ, എസ്​.എഫ്​.ഐ എന്നീ ബഹുജന സംഘടനകളിലായി രണ്ടര ലക്ഷം പേരുടെ അംഗത്വ വർധനവാണ്​ മൂന്നുവർഷം കൊണ്ട്​്​ നേടിയത്​. ഒമ്പത്​ ലക്ഷം ​പേർ ജില്ലയിൽ വിവിധ വർഗ ബഹുജന സംഘടനകളിലായി അംഗത്വം നേടിയിട്ടുണ്ടെന്നും ജില്ല സെക്രട്ടറി സി.എൻ. മോഹനൻ വാർത്തസമ്മേളനത്തിൽ പറഞ്ഞു. ലോക്കൽ കമ്മിറ്റികൾ 182ൽ നിന്നും 162ലേക്ക്​ കുറച്ചു. 3121 ബ്രാഞ്ച്​ കമ്മിറ്റികളുണ്ട്​. ജില്ല കമ്മിറ്റിയിൽ മൊത്തം 46 പേരാണ്​ ഉള്ളതെങ്കിലും നിലവിൽ ചിലർ പാർട്ടി നടപടി നേരിട്ടതോടെ എണ്ണം 39 ആയി. 2020 തദ്ദേശ സ്ഥാപന തെരഞ്ഞെടുപ്പിൽ മുമ്പത്തെക്കാൾ അരശതമാനം വോട്ട്​ മാത്രമേ കൂടുതൽ നേടാനായുള്ളൂ. 2021 നിയമസഭ തെരഞ്ഞെടുപ്പിൽ മുൻ തവണത്തെക്കാൾ 0.97 ശതമാനം വോട്ടുകുറഞ്ഞു. ഇത്​ ട്വൻറി20 എന്ന സംഘടന മൊത്തം വോട്ടി​ൻെറ 7.35 ശതമാനം നേടിയത്​ ​െകാണ്ടാണ്​​. എൽ.ഡി.എഫിന്​ 19,000 വോട്ടുകുറഞ്ഞപ്പോൾ കോൺഗ്രസിന്​ 6000 വോട്ടും ബി.ജെ.പിക്ക്​ മൂന്നര ശതമാനം വോട്ടും കുറഞ്ഞു. എങ്കിലും അഞ്ച്​ സീറ്റുകളെന്നത്​ നിലനിർത്താൻ കഴിഞ്ഞതും കൊച്ചി കോർപറേഷൻ ഭരണം പിടിക്കാനായതും കഴിഞ്ഞ തെരഞ്ഞെടുപ്പുകളിലെ നേട്ടമാണെന്ന്​ അ​േദ്ദഹം പറഞ്ഞു. സംസ്ഥാന സർക്കാറി​ൻെറ ലൈഫ്​ ഭവന പദ്ധതിക്ക്​ പിന്തുണയായി ഒരു ലോക്കൽ കമ്മിറ്റി ഒരു വീടെന്ന മാനദണ്ഡത്തിൽ നിർമിക്കാൻ ലക്ഷ്യമിട്ടിരുന്നു. നിലവിൽ 121 വീടുകൾ പൂർത്തീകരിച്ച്​ താക്കോൽ കൈമാറി. മാർച്ചിന്​ മുമ്പ്​ 20 വീടുകൾ കൂടി കൈമാറുന്ന തരത്തിൽ പണി നടക്കുകയാണ്​. ജില്ലയുടെ വിവിധ ഭാഗങ്ങളിലായി കിടപ്പുരോഗികളെ ലക്ഷ്യമിട്ട്​ 15 ഫിസിയോ തെറപ്പി സൻെററുകൾ തുറന്നു. അഞ്ച്​ സൻെററുകൾ കൂടി തുറക്കും. ആംബുലൻസുകൾ സൗകര്യം കൂടി ഏർപ്പെടുത്തിവരുന്നു. ജില്ലയിൽ 4250 ഏക്കറിൽ ഡി.വൈ.എഫ്​.ഐയുടെ നേതൃത്വത്തിൽ കൃഷി ചെയ്​തു. സ്​ത്രീ സുരക്ഷക്ക്​ മുഴുവൻ ലോക്കൽ കമ്മിറ്റികളുടെ കീഴിലും ജാഗ്രത സമിതികൾ വഴി നിയമസഹായം ലഭ്യമാണെന്നും സി.എൻ. മോഹനൻ പറഞ്ഞു.