സനു മോഹൻ നേരിടുന്നത്​ ശാസ്​ത്രീയ ചോദ്യം ചെയ്യൽ; വസ്​തുതകൾ പരിശോധിക്കാൻ വിദഗ്​ധസംഘം

കൊച്ചി: വൈഗ വധക്കേസിൽ മൊഴികൾ മാറ്റിപ്പറയുന്ന പിതാവ്​ സനു മോഹനിൽനിന്ന്​ സൂക്ഷ്​മവിവരങ്ങൾ ലഭിക്കാൻ ശാസ്​ത്രീയ ചോദ്യംചെയ്യലുമായി അന്വേഷണസംഘം. തൃക്കാക്കര എ.സി.പി ആർ. ശ്രീകുമാർ, തൃക്കാക്കര സി.ഐ കെ. ധനപാലൻ എന്നിവരുടെ നേതൃത്വത്തിലാണ്​ ചോദ്യം ചെയ്യൽ. 10 ദിവസമാണ്​ തെളിവെടുപ്പിന്​ സനു മോഹനെ തൃക്കാക്കര കോടതി പൊലീസ്​ കസ്​റ്റഡിയിൽ നൽകിയത്​. ഫ്ലാറ്റിൽ കണ്ടെത്തിയ രക്തത്തുള്ളികളും ആന്തരികാവയവങ്ങളുടെ പരിശോധനയിൽ ലഭിച്ച ആൽക്കഹോൾ സാന്നിധ്യവും പ്രധാന ഘടകങ്ങളാണ്​. കെമിക്കൽ പരിശോധനകളുടെ പ്രാഥമിക റിപ്പോർട്ട്​ മാത്രമാണ്​ ലഭിച്ചതെന്ന്​ കഴിഞ്ഞദിവസം പൊലീസ്​ കമീഷണർ സി.എച്ച്​. നാഗരാജു അറിയിച്ചിരുന്നു​. ഇത്തരം കേസുകളിൽ ചോദ്യം ചെയ്യു​േമ്പാൾ കെമിക്കൽ എക്​സാമിനർമാരെ മറവിൽ നിർത്തി പ്രതിയുടെ മൊഴി കേൾപ്പിച്ച്​ അപ്പപ്പോൾ തെറ്റും ശരിയും ചികഞ്ഞെടുക്കുന്ന പദ്ധതിയാണ്​ പൊലീസ്​ അനുവർത്തിക്കുക. സനു മോഹ​ൻെറ ചോദ്യംചെയ്യലിലും ആൽക്കഹോൾ, രക്തത്തുള്ളികൾ എന്നിവയുടെ കുരുക്കഴിക്കാൻ വിദഗ്​ധ കെമിക്കൽ എക്​സാമിനർമാരുടെ സേവനം തേടി. ഇവരുടെ സാന്നിധ്യത്തിൽ ചോദ്യംചെയ്യൽ നടത്തി​. സനു മോഹൻ മൊഴിമാറ്റി പറയുന്നത്​ കേസിൽനിന്ന്​ മനഃപൂർവം രക്ഷപ്പെടാൻ പഴുതൊരുക്കലാണോയെന്ന സംശയവും ഉയർന്നിട്ടുണ്ട്​. ഇയാളുടെ ക്രിമിനൽ മനഃസ്ഥിതി പഴയകാല ബന്ധങ്ങൾ പരിശോധിച്ചപ്പോൾതന്നെ പൊലീസിന്​ മനസ്സിലായിരുന്നു. സാമ്പത്തിക തട്ടിപ്പുകൾ സംബന്ധിച്ച കൂടുതൽ പരാതികൾ ഇയാൾക്കെതിരെ വരുന്നുണ്ട്. അതി​ൻെറ കണക്ക്​ എടുക്കുന്നുണ്ടെങ്കിലും പ്രധാനമായും കുട്ടിയുടെ കൊലപാതകം​ തെളിയിക്കാനാണ്​ ഊന്നൽ​. വൈഗയെ ശ്വാസംമുട്ടിച്ച്​ ബോധംകെടുത്തിയ ശേഷം പുഴയിൽ എറിഞ്ഞ്​ കൊല്ലുകയായിരു​െന്നന്നാണ്​ സനു മോഹ​​ൻെറ വെളിപ്പെടുത്തൽ. കോടികളുടെ കടബാധ്യതകൾ മൂലം ജീവിതം മുന്നോട്ടുപോകാൻ കഴിയാതെ വന്നപ്പോഴാണ്​ മകളെ കൊന്ന്​ ആത്മഹത്യക്ക്​ തീരുമാനിച്ചതെന്നും മരിക്കാൻ ഭയന്നതോടെ നാടുവി​െട്ടന്നും ഇയാൾ പൊലീസിന്​ മൊഴി നൽകിയിരുന്നു. സനു മോഹൻ കുട്ടിയുമായി ഫ്ലാറ്റിൽ എത്തിയെന്ന്​ ദൃക്​സാക്ഷികൾ പറയുന്ന സമയവും ഇയാളുടെ മൊഴിയിൽനിന്ന്​ ലഭിച്ച സമയവും ഒത്തുപോകുന്നതായി തെളിഞ്ഞിട്ടുണ്ട്​. ശാസ്​ത്രീയ പരിശോധനകളുടെ അന്തിമ റിപ്പോർട്ട്​ ലഭിക്കു​​േമ്പാൾ കേസിലെ 'മിസിങ്​ ഫാക്​ടു'കൾ​ മായുമെന്നാണ്​ പൊലീസി​ൻെറ പ്രതീക്ഷ.