യാത്രക്കാർക്ക് ഭീഷണിയായി ചൂണ്ടി ബസ് കാത്തുനിൽപ് കേന്ദ്രം

ആലുവ: ജീർണാവസ്ഥയിലായ ചൂണ്ടി കവലയിലെ ബസ് കാത്തുനിൽപ് കേന്ദ്രം യാത്രക്കാർക്ക് ഭീഷണിയാകുന്നു. കാലപ്പഴക്കം ചെന്ന കോൺക്രീറ്റ് ഷെഡ് പൊളിഞ്ഞുവീഴാൻ സാധ്യതയേറെയാണ്. ആലുവ - പെരുമ്പാവൂർ, ആലുവ - കിഴക്കമ്പലം റോഡുകൾ സംഗമിക്കുന്ന കവലയാണ് ചൂണ്ടി. ഏതുസമയവും നിരവധിയാളുകൾ ഇവിടെ ബസ് കാത്ത് നിൽക്കുന്നതാണ്. അപകടം ഒഴിവാക്കാൻ എത്രയും വേഗം ഈ ഷെഡ് പൊളിച്ച് പുതിയ ബസ് കാത്തുനിൽപ് കേന്ദ്രം സ്ഥാപിക്കണമെന്ന് നാട്ടുകാർ ആവശ്യപ്പെടുന്നു. ക്യാപ്‌ഷൻ ea yas9 bus stop അപകടാവസ്ഥയിലായ ചൂണ്ടി ബസ് കാത്തുനിൽപ് കേന്ദ്രം