കൊച്ചി: സിനിമയിൽ ഒട്ടേറെ ശക്തമായ കഥാപാത്രങ്ങളെ അവതരിപ്പിച്ചിട്ടുണ്ടെങ്കിലും താൻ ജീവിതത്തിൽ കണ്ട ശക്തരായ സ്ത്രീകൾ നഴ്സുമാരാണെന്ന് ചലച്ചിത്ര നടി അന്നാബെൻ. ജില്ല ഭരണകൂടവും ആരോഗ്യവകുപ്പും സംയുക്തമായി സംഘടിപ്പിച്ച നഴ്സസ് വാരാഘോഷത്തിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു അന്നാബെൻ. ഡെപ്യൂട്ടി ജില്ല മെഡിക്കൽ ഓഫിസർ ഡോ. ശ്രീദേവി അധ്യക്ഷത വഹിച്ചു. ലിസി തോമസ് നഴ്സസ് ദിന സന്ദേശവും എറണാകുളം ജനറൽ ഹോസ്പിറ്റൽ സൂപ്രണ്ട് ഡോ. അനിത.എ, നഴ്സിങ് സൂപ്രണ്ടുമാരായ ജെസ് പോൾ, രാധാമണി എന്നിവരും നഴ്സിങ് കോളജ് പ്രിൻസിപ്പൽമാരായ ഗീത പി.സി, പ്രഫ.സുജാമോൾ സ്കറിയ (മെഡിക്കൽ കോളജ്, കളമശ്ശേരി), പ്രഫ. ഗീത പി.ടി (സിമെറ്റ് കോളജ്, പള്ളുരുത്തി), അഭിലാഷ്.എം, ട്രീസ ജെയിൻ, കുമാരി അഖില ഉത്തമൻ എന്നിവർ സംസാരിച്ചു. ജില്ല നഴ്സിങ് ഓഫിസർ ഭവാനി കെ.പി സ്വാഗതവും ടി.ഡി. ബീന നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.