'ന്നാ താൻ കേസ് കൊട്​’; കെട്ടിട നമ്പറിന് കയറിയിറങ്ങുന്നയാളോട്​ നഗരസഭ സെക്രട്ടറിയുടെ മറുപടി

കാ​യം​കു​ളം: കെ​ട്ടി​ട ന​മ്പ​റി​ന്​ അ​പേ​ക്ഷ ന​ൽ​കി​യ യു​വാ​വി​നോ​ട്​ ‘ന്നാ ​താ​ൻ കേ​സ് കൊ​ട്’ എ​ന്ന്​ ന​ഗ​ര​സ​ഭ സെ​ക്ര​ട്ട​റി​യു​ടെ മ​റു​പ​ടി. എ​ട്ട് മാ​സ​മാ​യി ന​ഗ​ര​സ​ഭ​യി​ൽ ക​യി​റ​യി​റ​ങ്ങി​യി​ട്ടും ന​ട​പ​ടി​യി​ല്ലാ​താ​യ​തോ​ടെ കെ​ട്ടി​ട ന​മ്പ​രി​നാ​യി ന​ഗ​ര​സ​ഭ​ക്ക് മു​ന്നി​ൽ സ​ത്യ​ഗ്ര​ഹം തു​ട​ങ്ങി​യി​രി​ക്കു​ക​യാ​ണ്​ 37 ാം വാ​ർ​ഡി​ൽ പു​ളി​മൂ​ട്ടി​ൽ ജ​ന​ത സി​യാ​ദ്.

പ്ര​വാ​സി​യാ​യി​രു​ന്ന സ​മ​യ​ത്ത് വീ​ടി​ന് മു​ക​ളി​ൽ ഒ​രു നി​ല കൂ​ടി നി​ർ​മി​ക്കാ​ൻ സു​ഹൃ​ത്തി​ന് ക​രാ​ർ ന​ൽ​കി​യ​താ​ണ് ഇ​ദ്ദേ​ഹ​ത്തി​ന് ബാ​ധ്യ​ത​യാ​യി മാ​റി​യ​ത്. അ​നു​മ​തി വാ​ങ്ങാ​തെ കെ​ട്ടി​ടം നി​ർ​മി​ക്കു​ക​യാ​യി​രു​ന്നു. ക​ട​ബാ​ധ്യ​ത​ക​ളി​ൽ നി​ന്നും ര​ക്ഷ​പ്പെ​ടാ​ൻ വീ​ട് വി​ൽ​ക്കാ​ൻ ശ്ര​മി​ച്ച​പ്പോ​ഴാ​ണ് കൂ​ട്ടി​ച്ചേ​ർ​ത്ത ഭാ​ഗ​ത്തി​ന്​ ന​മ്പ​റി​ല്ലെ​ന്ന്​ മ​ന​സി​ലാ​യ​ത്.

കോ​വി​ഡ് കാ​ല​ത്ത് അ​വ​ധി​ക്ക് നാ​ട്ടി​ലെ​ത്തി​യ സി​യാ​ദി​ന് പി​ന്നീ​ട് മ​ട​ങ്ങാ​നാ​യി​ല്ല. ഓ​രോ വ​ട്ട​വും പു​തി​യ സാ​ങ്കേ​തി​ക​ത്വം പ​റ​ഞ്ഞ്​ മ​ട​ക്കു​ക​യാ​യി​രു​ന്നു​വെ​ന്നാ​ണ്​ സി​യാ​ദ്​ പ​റ​യു​ന്ന​ത്. ഓ​ൺ​ലൈ​നി​ൽ മൂ​ന്നു​ത​വ​ണ ന​ൽ​കി​യ അ​പേ​ക്ഷ നി​ര​സി​ക്ക​പ്പെ​ട്ടു. പി​ന്നീ​ട് സെ​ക്ര​ട്ട​റി​ക്ക് നേ​രി​ട്ട് ന​ൽ​കി. നി​ർ​മാ​ണ​ത്തി​ൽ സം​ഭ​വി​ച്ച വീ​ഴ്ച​ക​ൾ ഓ​രോ​ന്നാ​യി പ​രി​ഹ​രി​ക്കു​മ്പോ​ൾ ഉ​ദ്യോ​ഗ​സ്ഥ​ർ കൂ​ടു​ത​ൽ പോ​രാ​യ്മ​ക​ൾ ചൂ​ണ്ടി​ക്കാ​ട്ടു​ക​യാ​ണെ​ന്ന്​ അ​പേ​ക്ഷ​ക​ൻ പ​റ​യു​ന്നു.

സാ​ങ്കേ​തി​ക നൂ​ലാ​മാ​ലാ​ക​ൾ ഒ​ഴി​വാ​ക്കി ത​ര​ണ​മെ​ന്ന ആ​വ​ശ്യ​വു​മാ​യി സെ​ക്ര​ട്ട​റി​ക്ക് മു​ന്നി​ൽ എ​ത്തി​യ​പ്പോ​ഴാ​ണ് ‘ന്നാ ​താ​ൻ കേ​സ് കൊ​ട്’ എ​ന്ന സ​മീ​പ​നം സ്വീ​ക​രി​ച്ചെ​ത​ന്ന് മു​ജീ​ബ് പ​റ​യു​ന്നു.

ഇ​തോ​ടെ​യാ​ണ് ആ​ദ്യം എ​ൻ​ജി​നി​യ​റിം​ഗ് ഓ​ഫീ​സി​ന് മു​ന്നി​ലും ഇ​പ്പോ​ൾ ക​വാ​ട​ത്തി​ന് മു​ന്നി​ലു​മാ​യി സ​ത്യ​ഗ്ര​ഹ സ​മ​രം തു​ട​ങ്ങി​യ​ത്. പ​രി​ഹാ​ര​മാ​കു​ന്ന​തു​വ​രെ സ​മ​രം തു​ട​രു​മെ​ന്നാ​ണ് ഇ​ദ്ദേ​ഹം പ​റ​യു​ന്ന​ത്.

എ​ന്നാ​ൽ അ​നു​മ​തി​യി​ല്ലാ​ത്ത കെ​ട്ടി​ട നി​ർ​മാ​ണ​ത്തി​ൽ നി​ര​വ​ധി ച​ട്ട​ലം​ഘ​ന​ങ്ങ​ളാ​ണ് സം​ഭ​വി​ച്ച​തെ​ന്ന്​ സെ​ക്ര​ട്ട​റി പ​റ​ഞ്ഞു. വ​ഴി ദൂ​രം അ​ട​ക്കം പാ​ലി​ക്കു​ന്ന​തി​ൽ വീ​ഴ്ച വ​രു​ത്തി. ന​ഗ​ര​സ​ഭ​യി​ൽ സ​മ​ർ​പ്പി​ച്ച പ്ലാ​നി​ലും അ​പാ​ക​ത​ക​ളു​ണ്ടെ​ന്ന് അ​ദ്ദേ​ഹം പ​റ​ഞ്ഞു.