ആര്യങ്കാവിൽ കെണിയിൽപെട്ട് പുലി ചത്ത കേസിൽ രണ്ടുപേർ അറസ്​റ്റിൽ 

പു​ന​ലൂ​ർ: ആ​ര്യ​ങ്കാ​വ് വ​നം റേ​ഞ്ചി​ലെ ആ​റു​മു​റി​ക്ക​ട​യി​ൽ കൃ​ഷി​യി​ട​ത്തി​ലെ വേ​ലി കെ​ണി​യി​ൽ​പെ​ട്ട് പു​ലി ച​ത്ത സം​ഭ​വ​ത്തി​ൽ ര​ണ്ടു​പേ​ർ പി​ടി​യി​ൽ. ആ​റു​മു​റി​ക്ക​ട ച​രു​വി​ള വീ​ട്ടി​ൽ ഷെ​മീ​ർ (38), രാ​ജ​പ്പ​ൻ​പി​ള്ള (55) എ​ന്നി​വ​രെ​യാ​ണ് ആ​ര്യ​ങ്കാ​വ് റേ​ഞ്ച് അ​ധി​കൃ​ത​ർ അ​റ​സ്​​റ്റ്​ ചെ​യ്ത​ത്. ഇ​വ​രെ പു​ന​ലൂ​ർ വ​നം കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​ ചെ​യ്തു. ഷെ​ഡ്യൂ​ൾ​ഡ് ഒ​ന്നി​ൽ​പെ​ട്ട പു​ലി​യെ കെ​ണി​വെ​ച്ച് വേ​ട്ട​യാ​ടി കൊ​ന്നു​വെ​ന്ന കു​റ്റ​ത്തി​നാ​ണ് കേ​സെ​ടു​ത്ത​ത്.

ഞാ​യ​റാ​ഴ്ച രാ​വി​ലെ​യാ​ണ് വ​ന​ത്തി​ന് സ​മീ​പ​ത്തെ റെ​യി​ൽ​വേ പു​റ​മ്പോ​ക്കി​ൽ കൃ​ഷി ചെ​യ്തി​രി​ക്കു​ന്ന ഷെ​മീ​റി​​െൻറ പു​ര​യി​ട​ത്തി​ൽ സ്ഥാ​പി​ച്ചി​രു​ന്ന ക​മ്പി വ​ല​യോ​ട് ചേ​ർ​ന്നു​ള്ള കെ​ണി​യി​ൽ​പെ​ട്ട് പു​ലി ച​ത്ത​ത്. വ​ന്യ​മൃ​ഗ​ങ്ങ​ളു​ടെ ശ​ല്യം ഒ​ഴി​വാ​ക്കാ​നാ​യി സാ​ധാ​ര​ണ​യാ​യി സ്ഥാ​പി​ക്കാ​റു​ള്ള ക​മ്പി​വ​ല​ക്കു​ള്ളി​ലാ​ണ് കെ​ണി ഒ​രു​ക്കി​യ​ത്. ക​ട്ടി കൂ​ടി​യ ഇ​രു​മ്പ് കേ​ബി​ളാ​ണ് ഇ​തി​ന് ഉ​പ​യോ​ഗി​ച്ച​ത്. പ്ര​തി​ക​ൾ​ക്ക് വ​ന്യ​മൃ​ഗ വേ​ട്ട സം​ഘ​വു​മാ​യി ബ​ന്ധ​മു​ണ്ടോ എ​ന്ന​തു​ൾ​പ്പെ​ടെ അ​ന്വേ​ഷി​ക്കു​ന്നു​ണ്ട്. രാ​ജ​പ്പ​ൻ​പി​ള്ള​യാ​ണ് കെ​ണി ഒ​രു​ക്കി​യ​ത്. പു​ലി​യു​ടെ വ​യ​ർ ക​മ്പി​ക്കു​രു​ക്കി​ൽ മു​റു​കി​യ​താ​ണ് മ​ര​ണ​ത്തി​ന് ഇ​ട​യാ​ക്കി​യ​തെ​ന്ന് പോ​സ്​​റ്റ്​​മോ​ർ​ട്ട​ത്തി​ൽ വ്യ​ക്ത​മാ​യ​താ​യി അ​ധി​കൃ​ത​ർ പ​റ​ഞ്ഞു.