കായംകുളം: ബസ് യാത്രികയായ ബാലികയോട് അപമര്യാദയായി പെരുമാറിയ കെ.എസ്.ആർ.ടി.സി കണ്ടക്ടറെ പൊലീസ് അറസ്റ്റ് ചെയ്ത ു. മലപ്പുറം മഞ്ചേരി സരണിയിൽ മടമംഗലത്ത് ഗഫൂറാണ് (47) പിടിയിലായത്. മലപ്പുറത്തുനിന്ന് തിരുവനന്തപുരത്തേക്കുള്ള സൂ പ്പർ ഫാസ്റ്റിൽ ഞായറാഴ്ച വൈകീട്ട് നാലുമണിയോടെ കരീലക്കുളങ്ങര ഭാഗത്തായിരുന്നു സംഭവം.
നങ്ങ്യാർകുളങ്ങരയിൽനിന്ന് കുടുംബത്തോടൊപ്പം ബസിൽ കയറിയ 11 കാരിയോടാണ് അപമര്യാദയായി പെരുമാറിയത്. കുട്ടി ബഹളംെവച്ചതോടെ മറ്റ് യാത്രികർ ഇടപെടുകയായിരുന്നു. തുടർന്ന് കുട്ടിയുടെ മുത്തശ്ശി പിങ്ക് പൊലീസിൽ വിവരം അറിയിച്ചു.
ബസ് കായംകുളത്ത് എത്തിയപ്പോൾ സ്റ്റേഷൻ മാസ്റ്റർക്കും റിപ്പോർട്ട് ചെയ്തു. തുടർന്ന് കായംകുളം പൊലീസ് എത്തി കണ്ടക്ടറെ കസ്റ്റഡിയിലെടുക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.