കോഴിക്കോട്: കൂടത്തായി കൊലപാതക കേസുമായി ബന്ധപ്പെട്ട് മുഖ്യപ്രതി ജോളിയുടെ അടുത്ത കൂട്ടുകാരിക്കായി പൊ ലീസ് അന്വേഷണം ഊർജ്ജിതമാക്കി. എൻ.ഐ.ടി പരിസരത്തുള്ള തയ്യൽകടയിൽ ജോലി ചെയ്യുന്ന റാണി എന്ന യുവതിയെയാണ് അന്വേഷണ സ ംഘം തിരയുന്നത്. ഇവർക്ക് ജോളിയെ കുറിച്ച് കൂടുതൽ കാര്യങ്ങൾ അറിയാമെന്നാണ് പൊലീസിന് ലഭിക്കുന്ന സൂചന. ഇരുവരും ഒരുമിച്ചുള്ള ചിത്രങ്ങൾ പൊലീസിന് ലഭിച്ചിട്ടുണ്ട്.
ജോളി പതിവായി പോവാറുണ്ടായിരുന്ന തയ്യൽ കടയിലാണ് റാണി േജാലി ചെയ്യുന്നത്. എന്നാൽ ഈ കട ഇപ്പോൾ പ്രവർത്തിക്കുന്നില്ലെന്നാണ് പൊലീസ് പറയുന്നത്. റാണിയെ കുറിച്ചുള്ള അന്വേഷണ സംഘത്തിൻെറ ചോദ്യങ്ങൾക്ക് ജോളി വ്യക്തമായ ഉത്തരം നൽകാൻ തയാറായിട്ടില്ല.
കഴിഞ്ഞ തവണ എൻ.ഐ.ടിയിൽ നടന്ന രാഗം കലോത്സവത്തിനിടെ റാണിയും ജോളിയും കാമ്പസിനകത്ത് വെച്ചെടുത്ത ചിത്രം പൊലീസിന് ലഭിച്ചിട്ടുണ്ട്. ഈ ചിത്രത്തിൽ അധ്യാപികയുടെ ടാഗ് അണിഞ്ഞാണ് ജോളിയുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.