ഓമശ്ശേരി: കൂടത്തായ് കൊലപാതകവുമായി ബന്ധപ്പെടുത്തി മുസ്ലിം ലീഗ് പ്രാദേശിക നേതാവും പഞ്ചായത്ത് ലീഗ് വൈസ് പ്രസിഡണ്ടുമായ ഇമ്പിച്ചി മോയിക്കെതിരെ ചില മാധ്യമങ്ങളും മറ്റ് സാമൂഹിക മാധ്യമങ്ങളിലും നടത്തുന്ന വ്യാജ പ്രചാരണങ്ങൾ ദുഷ്ടലാക്കോടെയുള്ള മുതലെടുപ്പിന് വേണ്ടിയാണെന്ന് പഞ്ചായത്ത് മുസ്ലിം ലീഗ് കമ്മറ്റി അഭിപ്രായപ്പെട്ടു.
ഒരു വിധേനയും പ്രതിചേർക്കപ്പെടുകയോ, മറ്റോ ചെയ്തിട്ടില്ലാത്തതിനാൽ ഇവർ കുറ്റക്കാരനാണെന്ന് കാണാനാവില്ല. കുറ്റക്കാരായ പാർട്ടി പ്രവർത്തകരെയോ, നേതാക്കളെയോ പാർട്ടി സംരക്ഷിക്കില്ല. നിയമത്തിന്റെ വഴിയെ പൂർണ്ണമായി പിന്തുണക്കുന്നു.മുഴുവൻ കുറ്റക്കാരെയും നിയമത്തിന്റെ മുമ്പിലെത്തിക്കണമെന്നും പാർട്ടി വ്യക്തമാക്കി.
കെ.കെ.അബ്ദുള്ളക്കുട്ടിയുടെ അദ്ധ്യക്ഷത വഹിച്ചു. യോഗത്തിൽ റസാഖ് തടത്തുമ്മൽ, പി.പി അഹമ്മത് കുട്ടി മാസ്റ്റർ, യു.കെ. ഉസൈൻ ,പി .വി.സ്വാദിഖ്, പി.അബ്ദുന്നാസർ, ഡോ.സാജിദ്, ടി.പി അബു ഹാജി, പി.പി കുഞ്ഞമ്മത് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.