കൊല്ലത്ത് മധ്യവയസ്കനെ വീടാക്രമിച്ച് കൊലപ്പെടുത്തി

കൊല്ലം: വാക്കുതർക്കത്തെച്ചൊല്ലി കൊല്ലത്ത് മധ്യവയസ്കനെ വീടാക്രമിച്ച് കൊലപ്പെടുത്തി. വിളക്കുവട്ടം സ്വദേശി സുരേഷ് ബാബു (59) ആണ് മരിച്ചത്.

റോഡിൽ ബൈക്ക് വെക്കുന്നതുമായി ബന്ധപ്പെട്ട തർക്കമാണ് കൊലപാതകത്തിൽ കലാശിച്ചതെന്നാണ് പൊലീസ് വ്യക്തമാക്കുന്നത്. ഒമ്പതംഗ സംഘമാണ് ആക്രമണം നടത്തിയത്. സംഘത്തിലെ മോഹൻ, സൂരജ് എന്നിവരെ പുനലൂർ പൊലീസ് അറസ്റ്റ് ചെയ്തു. ഇവരുമായി സംഭവസ്ഥലത്തെത്തി പൊലീസ് തെളിവെടുപ്പ് നടത്തി.

ഇന്നലെ രാത്രി 10ഓടെയാണ് സംഭവം നടന്നത്. പരിക്കേറ്റ ഉടൻ സുരേഷ് ബാബുവിനെ പുനലൂരിലെ ആശുപത്രിയിലെത്തിച്ചെങ്കിലും മരിച്ചു. മറ്റു പ്രതികൾക്കുവേണ്ടിയുള്ള അന്വേഷണം ഊർജിതമാക്കിയിട്ടുണ്ട്.