കാസർകോട്: സിഗ്നൽ കിട്ടാതെ നിർത്തിയ സ്പെഷൽ ട്രയിനിൽ നിന്ന് ഇറങ്ങി ഓടിയ വരെ പൊലീസ് പിടികൂടി സർക്കാർ ക്വാറൻറീനിലേക്ക് മാറ്റി. ശനിയാഴ്ച ഉച്ചക്ക് മഹാരാഷ്ട്രയിൽ നിന്ന് വന്ന സ്പെഷൽ ട്രെയിൻ സിഗ്നൽ കിട്ടാതെ ഉപ്പളയിൽ നിർത്തിയപ്പോഴാണ് നാലുപേർ ഇറങ്ങി ഓടിയത്.
സംഭവത്തിൽ പൊലീസ് കേസെടുത്തു. ഇവർ ഒരു ഓട്ടോയിൽ കയറി സ്ഥലം വിടുകയായിരുന്നു. ഈ സംഭവം കണ്ട ഒരാൾ ഉടൻ പൊലീസിൽ വിവരം അറിയിക്കുകയും തുടർന്ന് കാസർകോട് ഡി.വൈ.എസ്.പി പി. ബാലകൃഷ്ണൻ നായരുടെ നേതൃത്വത്തിൽ പൊലീസ് സംഘം ഉടൻ അന്വേഷണം ആരംഭിക്കുകയുമായിരുന്നു. ട്രെയിനിൽ നിന്ന് ഇറങ്ങി ഓടിയവരെ കുമ്പളയിൽ കണ്ടെത്തി സർക്കാർ ക്വാറൻറീനിലേക്ക് മാറ്റുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.