വിമാനാപകടത്തിൽ പരിക്കേറ്റവർ ആശുപത്രികളിൽ പണമടക്കേണ്ടെന്ന്​

കോഴിക്കോട്: കരിപ്പൂർ വിമാനദുരന്തത്തിൽ പരിക്കേറ്റ് ചികിത്സയിലുള്ളവരുടെ ആശുപത്രി ബില്ലുകൾ ആരോഗ്യവകുപ്പ് നേരിട്ടടക്കും. ചികിത്സാചെലവ് സംസ്ഥാന സർക്കാർ വഹിക്കുമെന്ന് മുഖ്യമന്ത്രി അറിയിച്ചിരുന്നു. ഇതി​െൻറ ഭാഗമാണ് ചെലവുകൾ ആരോഗ്യവകുപ്പ് ഏറ്റെടുക്കുന്നത്.

ഇതു സംബന്ധിച്ച നിർദേശം കോഴിക്കോട്​ ​ജില്ലാ കലക്ടർ എസ്. സാംബശിവറാവു ജില്ലാ മെഡിക്കൽ ഒാഫിസർക്ക് നിർദേശം നൽകിയിട്ടുണ്ട്. പരിക്കേറ്റവർക്ക് ആശുപത്രികൾ മാറാനും സർക്കാർ അനുമതിയുണ്ട്.