നീലേശ്വരം: മുസ്ലിം ലീഗ് നേതാവ് പി.എം.എ. സലാമിന് രൂക്ഷമറുപടിയുമായി വീണ്ടും സമസ്ത അധ്യക്ഷൻ ജിഫ്രി തങ്ങൾ. സമസ്ത ആർക്കും കൊട്ടാനുള്ള ചെണ്ടയോ തുപ്പാനുള്ള കോളാമ്പിയോ അല്ലെന്ന് തങ്ങൾ പറഞ്ഞു. കാസർകോട് നീലേശ്വരത്ത് നടന്ന എസ്.വൈ.എസ് സംസ്ഥാന മീലാദ് കാമ്പയിൻ സമാപനവേദിയിലാണ് ജിഫ്രി തങ്ങളുടെ പ്രതികരണം.
ഇതിൽ ആരൊക്കെ വേണം വേണ്ട എന്ന് തീരുമാനിക്കാൻ ആരെയും അധികാരപ്പെടുത്തിയിട്ടില്ല. ഉത്തരവാദപ്പെട്ടവർതന്നെ അധിക്ഷേപങ്ങൾ പറയരുത്. അങ്ങനെ പറയുന്നവരെ ഉത്തരവാദപ്പെട്ടവർ കടിഞ്ഞാണിടണം. അല്ലെങ്കിൽ, പിടിച്ച് കെട്ടിയിടണമെന്നും അദ്ദേഹം പറഞ്ഞു. അധിക്ഷേപങ്ങളുണ്ടായാൽ ഇനിയും മറുപടി പറയും. ഐക്യം നിലനിർത്താൻ എല്ലാ ഭാഗത്തുനിന്നും ശ്രമങ്ങൾ ഉണ്ടാകണമെന്നും ജിഫ്രി തങ്ങൾ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.