ആലപ്പുഴ: കേന്ദ്രസർക്കാറിെൻറ കാർഷികനയങ്ങൾക്കെതിരെ തലകുത്തിനിന്ന് പ്രതിഷേധം.കാർഷിക സമരത്തിന് ഐക്യദാർഢ്യം പ്രഖ്യാപിച്ച് കർഷകസംയുക്ത സമരസമിതിയുടെ അനിശ്ചിതകാല സത്യഗ്രഹസമരപ്പന്തലിന് മുന്നിൽ കർഷകനായ വെട്ടിയാർ കല്ലിമേൽ ആതിരാലയം വീട്ടിൽ കെ.കെ. പ്രസാദാണ് (56) തലകുത്തിനിന്നത്.
വിശപ്പിെൻറ പ്രാധാന്യം തിരിച്ചറിയാത്ത കേന്ദ്രസർക്കാറിെൻറ തെറ്റായ നയങ്ങൾക്കെതിരെ പോരാടുന്ന കർഷകർക്ക് ഐക്യദാർഢ്യവുമായിട്ടാണ് വേറിട്ട പ്രതിഷേധം തീർത്തതെന്നും യന്ത്രത്തിൽ തെങ്ങിൽകയറി പരിചയമാണ് ഇതിന് തുണയായതെന്നും പ്രസാദ് പറഞ്ഞു.സത്യഗ്രഹസമരം സി.പി.ഐ സംസ്ഥാന എക്സിക്യൂട്ടിവ് അംഗം എ. ശിവരാജൻ ഉദ്ഘാടനം ചെയ്തു.
ഡി.എൻ.ഇ.യു സംസ്ഥാന സെക്രട്ടറി ഗോപൻ നമ്പാട്ട്, കേരള കർഷകസംഘം ജില്ല സെക്രട്ടറി സി. ശ്രീകുമാർ ഉണ്ണിത്താൻ, ആർ. ശ്രീലത, ആർ. സഖലാൽ, വി.എം. ഹരിഹരൻ, പി.എച്ച്. അബ്ദുൽ ഗഫൂർ, കെ.ജി. രഘുദേവ്, കെ. വിജയകുമാർ, പി.കെ. സദാശിവൻപിള്ള, സോമൻപിള്ള തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.