ദുരുപയോഗ സാധ്യത: ആശുപത്രി സംരക്ഷണ ഭേദഗതി ബില്ലിലെ 'വാക്കാലുള്ള അധിക്ഷേപ’ത്തിൽ പുനരാലോചന

തി​രു​വ​ന​ന്ത​പു​രം: ആ​രോ​ഗ്യ പ്ര​വ​ർ​ത്ത​ക​ർ​ക്കെ​തി​രെ ‘വാ​ക്കാ​ലു​ള​ള അ​ധി​ക്ഷേ​പം’ ത​ട​വി​നും പി​ഴ​ക്കും ഇ​ട​യാ​ക്കു​മെ​ന്ന ആ​ശു​പ​ത്രി സം​ര​ക്ഷ​ണ ഭേ​ദ​ഗ​തി ബി​ല്ലി​ലെ പ​രാ​മ​ർ​ശ​ത്തി​ൽ നി​യ​മ​സ​ഭ​യി​ൽ പ​ര​ക്കെ വി​മ​ർ​ശ​നം.

ദു​രു​പ​യോ​ഗ സാ​ധ്യ​ത​യും നി​ര​പ​രാ​ധി​ക​ൾ ഇ​ര​യാ​ക്ക​പ്പെ​ടു​മെ​ന്ന​തും ഭ​ര​ണ-​പ്ര​തി​പ​ക്ഷാം​ഗ​ങ്ങ​ൾ ചൂ​ണ്ടി​ക്കാ​ട്ടി. ഇ​തോ​ടെ സ​ബ്​​ജ​ക്ട്​ ക​മ്മി​റ്റി​യു​ടെ പ​രി​ശോ​ധ​ന​യി​ൽ വി​ഷ​യം പ​രി​ശോ​ധി​ക്കാ​മെ​ന്ന്​ ആ​രോ​ഗ്യ​മ​​ന്ത്രി വ്യ​ക്ത​മാ​ക്കി. ആ​രോ​ഗ്യ​പ്ര​വ​ർ​ത്ത​ക​ർ​ക്ക്​ നേ​രെ​യു​ള്ള ആ​ക്ര​മ​ണ​ങ്ങ​ൾ​ക്ക്​ ശി​ക്ഷ വ​ർ​ധി​പ്പി​ച്ചും സെ​ക്യൂ​രി​റ്റി ജീ​വ​ന​ക്കാ​രെ​യും ആം​ബു​ല​ൻ​സ്​ ഡ്രൈ​വ​ർ​മാ​രെ​യു​മ​ട​ക്കം ‘ആ​രോ​ഗ്യ​പ്ര​വ​ർ​ത്ത​ക​ർ’ എ​ന്ന പ​രി​ഗ​ണ​ന​യി​ൽ ഉ​ൾ​പ്പെ​ടു​ത്തി​യു​മു​ള്ള നി​യ​മ​ഭേ​ദ​ഗ​തി​യു​ടെ മ​റു​വ​ശ​മാ​ണ്​ ച​ർ​ച്ച​യി​ൽ പ​​ങ്കെ​ടു​ത്ത​വ​ർ ചൂ​ണ്ടി​ക്കാ​ട്ടി​യ​ത്.

ബി​ൽ ച​ർ​ച്ച​ക്കെ​ടു​ക്കും മു​മ്പു​ത​ന്നെ ഭ​ര​ണ​പ​ക്ഷ​ത്തെ കെ.​ബി. ഗ​ണേ​ഷ്​ കു​മാ​ർ പ​ര​സ്യ വി​മ​ർ​ശ​നം ഉ​ന്ന​യി​ച്ചു. ഡോ​ക്ട​ർ​മാ​രു​ടെ സം​ര​ക്ഷ​ണം ഉ​റ​പ്പാ​ക്കു​മ്പോ​ൾ രോ​ഗി​ക​ൾ​ക്ക് ആ​രു സം​ര​ക്ഷ​ണം കൊ​ടു​ക്കു​മെ​ന്നും രോ​ഗി​ക​ൾ​ക്കെ​ന്താ സം​ര​ക്ഷ​ണം വേ​ണ്ടേ​യെ​ന്നു​മാ​യി​രു​ന്നു ഗ​ണേ​ഷി​ന്‍റെ ചോ​ദ്യം. നി​യ​മം ദു​രു​പ​യോ​ഗം ചെ​യ്യു​മോ എ​ന്ന​തി​ൽ ക​ന​ത്ത​ആ​ശ​ങ്ക ഉ​യ​രു​ന്നു​ണ്ടെ​ന്ന്​ അ​നൂ​പ്​ ​ജേ​ക്ക​ബ്​ പ​റ​ഞ്ഞു. നി​യ​മ​മു​ണ്ടാ​ക്കു​മ്പോ​ൾ കൃ​ത്യ​വും വ്യ​ക്ത​വു​മാ​യി​രി​ക്ക​ണം. ‘വാ​ക്കാ​ലു​ള്ള അ​ധി​ക്ഷേ​പം’ ശി​ക്ഷാ​ർ​ഹ​മാ​ണ്. എ​ന്തു വാ​ക്ക്, ഏ​തു രീ​തി എ​ന്ന​തൊ​ന്നും നി​ർ​ണ​യി​ച്ചി​ട്ടി​ല്ല.

കേ​ര​ള​ത്തി​ൽ പ​ല ത​ര​ത്തി​ലു​ള്ള ഭാ​ഷാ ശൈ​ലി​യു​ണ്ട്. തെ​ക്ക​ൻ കേ​ര​ള​ത്തി​ലെ ഭാ​ഷാ ശൈ​ലി​യ​ല്ല, വ​ട​ക്ക​ൻ കേ​ര​ള​ത്തി​ലു​ള്ള​ത്. ഇ​വി​ടെ​യാ​ണ് നി​ര​പ​രാ​ധി​ക​ൾ​ക്ക് നേ​രെ ഇ​വ പ്ര​യോ​ഗി​ക്ക​പ്പെ​ടു​മോ എ​ന്ന ആ​ശ​ങ്ക ഉ​യ​രു​ന്ന​ത്. ചി​കി​ത്സ പി​ഴ​വ് മൂ​ലം ജീ​വ​ഹാ​നി സം​ഭ​വി​ച്ച എ​ത്ര​യോ കേ​സു​ക​ളു​ണ്ട്. ഇ​ക്കാ​ര്യ​ത്തി​ലെ തു​ട​ർ​ന​ട​പ​ടി​ക​ൾ പ​രി​മി​ത​മാ​ണ്. ‘സി​സ്റ്റ’​ത്തോ​ട്​ പൊ​രു​തി ജ​യി​ക്കു​ക സാ​ധാ​ര​ണ​ക്കാ​ര​ന് സാ​ധ്യ​മ​ല്ല. ഇ​ത്ത​ര​ത്തി​ൽ നി​യ​മ​ങ്ങ​ൾ കൊ​ണ്ടു​വ​രു​മ്പോ​ൾ അ​ത്​ ഏ​ക​പ​ക്ഷീ​യ​മാ​യി പോ​ക​രു​തെ​ന്നും അ​നൂ​പ്​ സൂ​ചി​പ്പി​ച്ചു.

രോ​ഗി പ്ര​തീ​ക്ഷി​ക്കു​ന്ന നി​ല​യി​ലെ പ്ര​തി​വി​ധി​യു​ണ്ടാ​യി​ല്ലെ​ങ്കി​ൽ പ്ര​തി​ക​ര​ണ​ങ്ങ​ളു​ണ്ടാ​കും. മ​നു​ഷ്യാ​വ​കാ​ശ ക​മീ​ഷ​ൻ സ​ർ​ക്കാ​റി​നോ​ട് രോ​ഗി​ക​ളു​ടെ അ​വ​കാ​ശ പ​ത്രി​ക പ്ര​ഖ്യാ​പി​ക്ക​ണ​മെ​ന്ന് ആ​വ​ശ്യ​പ്പെ​ട്ടി​ട്ടു​ണ്ട്.

എ​ന്നാ​ൽ, ചി​കി​ത്സ​യു​ടെ ഗു​ണ​മേ​ന്മ ഉ​റ​പ്പാ​ക്ക​ൽ, സ്വ​കാ​ര്യ​ത ഉ​റ​പ്പു​വ​രു​ത്ത​ൽ, നി​ര​ക്ക് ഏ​കീ​ക​ര​ണം, ക്ലി​നി​ക്ക​ൽ പ​രീ​ക്ഷ​ണ​ങ്ങ​ൾ​ക്ക് വി​ധേ​യ​മാ​കു​ന്ന​വ​രു​ടെ അ​വ​കാ​ശ​ങ്ങ​ൾ സം​ര​ക്ഷി​ക്ക​ൽ എ​ന്നി​വ​യൊ​ന്നും അ​വ​കാ​ശ​പ​ത്രി​ക​യാ​യി സം​സ്ഥാ​ന സ​ർ​ക്കാ​ർ പ്ര​ഖ്യാ​പി​ച്ചി​ട്ടി​ല്ലെ​ന്നും അ​നൂ​പ് ജേ​ക്ക​ബ് പ​റ​ഞ്ഞു.

നി​യ​മം രോ​ഗി​ക​ളു​ടെ അ​വ​കാ​ശ​ങ്ങ​ൾ ഹ​നി​ക്ക​രു​തെ​ന്ന് ര​മേ​ശ് ചെ​ന്നി​ത്ത​ല വ്യ​ക്ത​മാ​ക്കി. ദു​രു​പ​യോ​ഗ സാ​ധ്യ​ത ഒ​ഴി​വാ​ക്ക​ണ​മെ​ന്ന്​ വി.​കെ. പ്ര​ശാ​ന്ത്​ കൂ​ട്ടി​ച്ചേ​ർ​ത്തു.

രോഗികൾക്കും പരാതി പറയാം; ത്രിതല സംവിധാനം വരുന്നു

തി​രു​വ​ന​ന്ത​പു​രം: സ​ർ​ക്കാ​ർ ആ​ശു​പ​ത്രി​ക​ളി​ൽ രോ​ഗി​ക​ളു​ടെ​യും കൂ​ട്ടി​രി​പ്പു​കാ​രു​ടെ​യും പ​രാ​തി പ​രി​ഹ​രി​ക്കു​ന്ന​തി​ന് സം​സ്ഥാ​ന​ത​ല​ത്തി​ൽ ത്രി​ത​ല സം​വി​ധാ​നം വ​രു​ന്നു. ആ​ശു​പ​ത്രി, ജി​ല്ല, സം​സ്ഥാ​ന ത​ല​ങ്ങ​ളി​ലാ​ണ് സം​വി​ധാ​നം. രോ​ഗി​ക​ളു​ടെ ഭാ​ഗ​ത്തു​നി​ന്ന് സം​സാ​രി​ക്കു​ന്ന​തി​ന് പു​റ​ത്തു​നി​ന്നു​ള്ള അം​ഗ​ങ്ങ​ളെ​യും സ​മി​തി​യി​ൽ ഉ​ൾ​പ്പെ​ടു​ത്തും. ച​ർ​ച്ച​ക​ൾ പു​രോ​ഗ​മി​ക്കു​ക​യാ​ണെ​ന്നും ഉ​ത്ത​ര​വ് ഉ​ട​ൻ ഇ​റ​ങ്ങു​മെ​ന്നും ആ​ശു​പ​ത്രി സം​ര​ക്ഷ​ണ ഭേ​ദ​ഗ​തി ബി​ൽ ച​ർ​ച്ച​ക്കു​ള്ള മ​റു​പ​ടി​യി​ൽ മ​ന്ത്രി വീ​ണ ജോ​ർ​ജ് നി​യ​മ​സ​ഭ​യി​ൽ വ്യ​ക്ത​മാ​ക്കി.

ആ​രോ​ഗ്യ​പ്ര​വ​ർ​ത്ത​ക​ർ​ക്കു​നേ​രെ വാ​ക്കാ​ലു​ള്ള അ​ധി​ക്ഷേ​പം പി​ഴ​യ്ക്കും ത​ട​വി​നു​മ​ട​ക്കം കാ​ര​ണ​മാ​കു​മെ​ന്ന നി​യ​മ​ഭേ​ദ​ഗ​തി ദു​രു​പ​യോ​ഗ സാ​ധ്യ​ത​യു​ള്ള​താ​ണെ​ന്ന് ച​ർ​ച്ച​യി​ൽ അം​ഗ​ങ്ങ​ൾ ചൂ​ണ്ടി​ക്കാ​ട്ടി​യി​രു​ന്നു. ഇ​ക്കാ​ര്യ​ത്തി​ൽ കൂ​ടു​ത​ൽ പ​രി​ശോ​ധ​ന​ക​ൾ സ​ബ്ജ​ക്ട് ക​മ്മി​റ്റി​യി​ൽ ന​ട​ക്കു​മെ​ന്ന് മ​ന്ത്രി വ്യ​ക്ത​മാ​ക്കി. രോ​ഗി​ക​ളോ​ടു​ള്ള ആ​രോ​ഗ്യ​പ്ര​വ​ർ​ത്ത​ക​രു​ടെ ഇ​ട​പെ​ട​ലി​ൽ പ്രോ​ട്ടോ​കോ​ൾ ത​യാ​റാ​ക്കും. ഇ​തി​ന്​ ബോ​ധ​വ​ത്ക​ര​ണം ന​ൽ​കും.

ആ​രോ​ഗ്യ​പ്ര​വ​ർ​ത്ത​ക​രെ മാ​ത്ര​മ​ല്ല, രോ​ഗി​ക​ളെ​യും അ​വ​രു​ടെ അ​വ​കാ​ശ​ങ്ങ​ളെ​യും സം​ര​ക്ഷി​ക്കു​ക​യാ​ണ് സ​ർ​ക്കാ​ർ നി​ല​പാ​ട്. ആ​ശു​പ​ത്രി സം​ര​ക്ഷ​ണ നി​യ​മം ദു​രു​പ​യോ​ഗം ചെ​യ്യാ​തി​രി​ക്കാ​ൻ ജാ​ഗ്ര​ത​യു​ണ്ടാ​കും.

ഡി.​എ​ച്ച്.​എ​സി​ന് കീ​ഴി​ലെ 96 ആ​ശു​പ​ത്രി​ക​ളി​ൽ സി.​സി.​ടി.​വി​ക​ൾ സ്ഥാ​പി​ച്ചി​ട്ടു​ണ്ട്. കോ​ഴി​ക്കോ​ട്, കോ​ട്ട​യം, മ​ഞ്ചേ​രി മെ​ഡി​ക്ക​ൽ കോ​ള​ജു​ക​ളി​ൽ വൈ​കാ​തെ കാ​മ​റ ഏ​ർ​പ്പെ​ടു​ത്തും. പ്ര​ധാ​ന ആ​ശു​പ​ത്രി​ക​ളി​ൽ പൊ​ലീ​സ് എ​യി​ഡ് പോ​സ്റ്റ് സ്ഥാ​പി​ക്ക​ണ​മെ​ന്നാ​ണ് സ​ർ​ക്കാ​ർ നി​ല​പാ​ടെ​ന്നും മ​ന്ത്രി പ​റ​ഞ്ഞു. ച​ർ​ച്ച​ക്കു​ശേ​ഷം ബി​ൽ സ​ബ്ജ​ക്ട് ക​മ്മി​റ്റി​ക്ക് വി​ട്ടു.