പാലക്കാട്: പത്ത് ജില്ലകൾക്ക് ഉയർന്ന താപനില മുന്നറിയിപ്പ് നൽകി കേന്ദ്ര കാലാവസ്ഥ വകുപ്പ്. തിരുവനന്തപുരം, കൊല്ലം, കോട്ടയം, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിലാണ് ഉയർന്ന താപനില മുന്നറിയിപ്പായി മഞ്ഞ അലർട്ട് പ്രഖ്യാപിച്ചത്.
തിങ്കളാഴ്ച പാലക്കാട്, കോഴിക്കോട് ജില്ലകളിൽ 39 ഡിഗ്രി സെൽഷ്യസ് വരെയും തൃശൂർ, കണ്ണൂർ ജില്ലകളിൽ 38 വരെയും മലപ്പുറം, കാസർകോട് ജില്ലകളിൽ 37 വരെയും തിരുവനന്തപുരം, കൊല്ലം, കോട്ടയം, എറണാകുളം ജില്ലകളിൽ 36 വരെയും താപനില ഉയരാൻ സാധ്യതയുണ്ടെന്നാണ് വകുപ്പ് അറിയിക്കുന്നത്.
ഉയർന്ന താപനിലയും ഈർപ്പമുള്ള വായുവും കാരണം ഈ ജില്ലകളിലെ മലയോര മേഖലകളിലൊഴികെ തിങ്കളാഴ്ച ചൂടും അസ്വസ്ഥതയുമുള്ള കാലാവസ്ഥക്ക് സാധ്യതയുണ്ട്. ചൂട് കൂടുമ്പോഴും വിവിധ ജില്ലകളിൽ മഴ മുന്നറിയിപ്പായുള്ള മഞ്ഞ അലർട്ടും വകുപ്പ് പ്രഖ്യാപിച്ചിട്ടുണ്ട്. മേയ് ഏഴിന് പാലക്കാട്, പത്തനംതിട്ട, ഇടുക്കി ജില്ലകളിലും എട്ടിന് പാലക്കാട്, പത്തനംതിട്ട, വയനാട് ജില്ലകളിലുമാണ് മഞ്ഞ അലർട്ട്. ഒറ്റപ്പെട്ട ശക്തമായ മഴക്കാണ് സാധ്യത.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.