തിരുവനന്തപുരം: ഇന്ന് വൈകിട്ട് തിരുവനന്തപുരം സെൻട്രലിൽ നിന്നും പുറപ്പെടേണ്ട തിരുവനന്തപുരം ഗുരുവായൂർ ഇന്റർസിറ്റി എക്സ്പ്രസ്സ് രാത്രി ഒൻപതു മണിക്കേ യാത്ര തിരിക്കൂവെന്ന് റെയിൽവെ അധികൃതർ അറിയിച്ചു. ഈ ട്രെയിൻ ഇന്ന് എറണാകുളം ജംഗ്ഷൻ വരെ മാത്രമേ സർവീസ് നടത്തുകയുള്ളു. വ്യാഴാഴ്ച രാവിലെ ഗുരുവായൂരിൽ നിന്നും പുറപ്പെടേണ്ട ഗുരുവായൂർ- തിരുവനന്തപുരം ഇന്റർസിറ്റി എക്സ്പ്രസ്സ് ഗുരുവായൂരിനും എറണാകുളത്തിനും ഇടയിൽ ഭാഗികമായി റദ്ദു ചെയ്തിരിക്കുന്നതിനാൽ രാവിലെ 05:25ന് എറണാകുളം ജംഗ്ഷനിൽ നിന്നുമാണ് സർവീസ് ആരംഭിക്കുക. പെയറിങ് ട്രെയിനായ തിരുച്ചിറപ്പള്ളി-തിരുവനന്തപുരം ഇന്റർസിറ്റി വൈകി എത്തിയതിനാലാണ് ഇന്ന് സർവീസുകളിൽ മാറ്റം ഏർപ്പെടുത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.