സ്വാമിയുടെ ലിംഗം മുറിച്ച പെൺകുട്ടിക്ക് അവാർഡ് നൽകണമായിരുന്നു   -മന്ത്രി സുധാകരൻ

ആലപ്പുഴ: തിരുവനന്തപുരത്ത്​ സ്വാമിയുടെ ലിംഗം മുറിച്ച പെൺകുട്ടിക്ക് അവാർഡ് നൽകണമായിരുന്നുവെന്ന് മന്ത്രി ജി. സുധാകരൻ. വനം വകുപ്പ്​ സംഘടിപ്പിച്ച ജില്ലതല പരിസ്ഥിതി ദിനാഘോഷം ഉദ്ഘാടനം ചെയ്യുകയായിരുന്നു അദ്ദേഹം. 

ഒരു വനിത സംഘടനയും  പെൺകുട്ടി ചെയ്​ത നടപടിയെ പ്രോത്സാഹിപ്പിക്കുന്നില്ല.  തിരുവനന്തപുരത്തുണ്ടായ  പോലെ മകൾക്കെതിരെ സാക്ഷി പറയാൻ ഒരു അമ്മയും നടക്കരുത്. സ്വാമിയെ വിളിച്ച് പ്രായപൂർത്തിയായ മകളുള്ള വീട്ടിൽ താമസിപ്പിച്ചത് അധികപ്പറ്റാണ്. അതിന് ന്യായീകരണമില്ല. മൂന്നുവർഷം മുമ്പ്​​ ലിംഗഛേദം  വിഷയമാക്കി താൻ കവിത എഴുതിയിരുന്നു. 
 
ഇക്കാലത്ത് ജീവിക്കാൻ സ്ത്രീകൾക്ക് നല്ല ധൈര്യം വേണം. ഒരുത്തൻ ആക്രമിക്കാൻ വന്നാൽ നന്നായി കൈകാര്യം ചെയ്ത് വിടണം. പെൺകുട്ടികൾ ആണുങ്ങളേക്കാൾ ശക്തിയുള്ളവരാണ്. ആക്രമിക്കാൻ വരുമ്പോൾ ശക്തി പ്രയോഗിച്ചാൽ മതി -അദ്ദേഹം പറഞ്ഞു.