കൊച്ചി: നടിയെ ആക്രമിച്ച കേസില് തുടരന്വേഷണ പുരോഗതി റിപ്പോര്ട്ട് കോടതിയില് സമര്പ്പിച്ചു. റിപ്പോര്ട്ട് വേണമെന്ന് ദിലീപ് കോടതിയില് ആവശ്യപ്പെട്ടു. നല്കാന് കഴിയില്ലെന്ന് പ്രോസിക്യൂഷന് അറിയിച്ചു.
പ്രതിക്ക് റിപ്പോര്ട്ട് നല്കണമെന്ന് അവകാശപ്പെടാനാവില്ലെന്നാണ് പ്രോസിക്യൂഷന് നിലപാട്.
അതേസമയം, അന്വേഷണ ഉദ്യോഗസ്ഥന്റെ കൈവശമുള്ള ദൃശ്യങ്ങള് കൈമാറാന് കഴിയില്ലെന്ന് പ്രോസിക്യൂഷന് കോടതിയെ അറിയിച്ചു. ഡിജിറ്റല് തെളിവുകളില് കൃത്രിമം നടത്തുമെന്ന വാദം നിലനില്ക്കില്ലെന്നും പ്രോസിക്യൂഷന് വ്യക്തമാക്കി. നേരത്തെ, ദൃശ്യങ്ങള് കോടതിയില് സമര്പ്പിക്കണമെന്ന് ആവശ്യപ്പെട്ട് ദിലീപ് നേരത്തെ ഹരജി നല്കിയിരുന്നു.
കേസിന്റെ തുടരന്വേഷണത്തിന് വിചാരണ കോടതി അനുവദിച്ച സമയം ഇന്ന് അവസാനിച്ചതോടെയാണ് റിപ്പോര്ട്ട് കോടതിയില് സമര്പ്പിച്ചത്. സംവിധായകന് ബാലചന്ദ്രകുമാറിന്റെ വെളിപ്പെടുത്തലുകളെ തുടര്ന്നാണ് തുടരന്വേഷണം നടന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.