പെരിന്തൽമണ്ണ: കുട്ടികളെ വീട്ടിൽ പൂട്ടിയിട്ട് ക്രൂരമായി മർദിച്ച പിതാവ് അറസ്റ്റിൽ. തൂത ഒലിയത്ത് സ്വദേശി തച്ചങ്ങോട്ടിൽ മുഹമ്മദ് ബഷീറിനെയാണ് (35) പെരിന്തൽമണ്ണ എസ്.ഐ എം. യാസറും സംഘവും ജുവനൈൽ ജസ്റ്റിസ് ആക്ട് പ്രകാരം അറസ്റ്റ് ചെയ്തത്.
ചൈൽഡ് ലൈനിൽനിന്ന് വിവരം ലഭിച്ചതിന്‍റെ അടിസ്ഥാനത്തിൽ പെരിന്തൽമണ്ണ പൊലീസ് അന്വേഷിച്ചപ്പോഴാണ് കൂടുതൽ വിവരങ്ങൾ പുറത്തറിഞ്ഞത്. ഓട്ടോ ഡ്രൈവറായ ബഷീർ സ്ഥിരമായി ഭാര്യയെയും കുട്ടികളെയും മർദിച്ച് പരിക്കേൽപിക്കാറുണ്ടെന്ന് പറയുന്നു.
എട്ടും ഒമ്പതും വയസ്സുള്ള മക്കളെ മുറിയിൽ പൂട്ടിയിട്ട് കേബ്ൾ വയർകൊണ്ടും ചൂരൽകൊണ്ടും മർദിക്കുകയാണ് പതിവ്. പ്രതിയെ പെരിന്തൽമണ്ണ കോടതിയിൽ ഹാജറാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.