മലപ്പുറം: കള്ളവോട്ട് വിഷയത്തിലേക്ക് പർദയെ വലിച്ചിഴച്ച് വിവാദമുണ്ടാക്കിയ സി.പി.എം നടപടി മതവിശ്വാസത്തിനെതിരാ യ കടന്നുകയറ്റമാണെന്ന് മുസ്ലിംലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി. കണ്ണൂരിൽ കള്ളവോട്ടിന് നേതൃത്വം കൊടുക്കുന്നത് ആരെന്ന് കേരളത്തിനറിയാമെന്നും സ്ത്രീകൾ പർദയിട്ട് വരുന്നത് അതിനല്ലെന്നും അദ്ദേഹം മാധ്യമപ്രവർത്തകരോട് പറഞ്ഞു.
അന്തർദേശീയമായി ആദരിക്കപ്പെടുന്ന വസ്ത്രം ധരിക്കുന്നവരെ കുറ്റപ്പെടുത്തുന്നത് ഖേദകരവും മോശവുമാണ്. കള്ളവോട്ട് ചെയ്തവരാരും പർദയിട്ട് വന്നവരല്ലെന്നും കുഞ്ഞാലിക്കുട്ടി കൂട്ടിച്ചേർത്തു. ഭയാശങ്കയുണ്ടാക്കി മുസ്ലിം സ്ത്രീകളെ വോട്ടെടുപ്പ് പ്രക്രി‍യയിൽനിന്ന് മാറ്റിനിർത്താനുള്ള നീക്കമാണ് സി.പി.എമ്മിേൻറതെന്ന് ലീഗ് സംസ്ഥാന ജനറൽ സെക്രട്ടറി കെ.പി.എ മജീദ് പറഞ്ഞു. കള്ളവോട്ട് ചെയ്തവരുടെ മുഖം എല്ലാവരും കണ്ടതാണെന്നും ഇതും പർദയും തമ്മിൽ എന്താണ് ബന്ധമെന്നും അദ്ദേഹം ചോദിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.