തിരുവനന്തപുരം: കള്ളനോട്ടടിച്ച കേസിൽ പിടിയിലായ യുവമോർച്ച നേതാവിനെതിരെ യു.എ.പി.എ ചുമത്തണമെന്ന് യൂത്ത് കോൺഗ്രസ് സംസ്ഥാന അധ്യക്ഷൻ ഡീൻ കുര്യാക്കോസ്. ബി.ജെ.പി നേതാക്കളുമായി ബന്ധമുള്ളതിനാൽ ഉന്നത ഉദ്യോഗസ്ഥർ കേസ് അന്വേഷിക്കണമെന്നും ഡീൻ ആവശ്യപ്പെട്ടു. ഇക്കാര്യങ്ങൾ ചൂണ്ടിക്കാട്ടി ഡീൻ ഡി.ജി.പിക്ക് കത്തു നൽകി.
ശ്രീനാരായണപുരത്ത് യുവേമാർച്ച പ്രാദേശിക നേതാക്കളുടെ വീട്ടിൽ നിന്നാണ് പുതിയ 2000, 500 നോട്ടുകളുടെ കള്ള നോട്ടുകളും പ്രിൻറിങ് സാമഗ്രികളും വ്യാഴാഴ്ച പൊലീസ് പിടികൂടിയത്. സംഭവവുമായി ബന്ധപ്പെട്ട് ബി.ജെ.പി എസ്.എൻ.പുരം ബൂത്ത് പ്രസിഡൻറ് കൂടിയായ ശ്രീനാരായണപുരം അഞ്ചാംപരുത്തി ഏരാശ്ശേരി രാഗേഷിനെ പൊലീസ് അറസ്റ്റ് ചെയ്തു. കള്ളനോട്ടടിച്ചതിനാണ് ഇയാൾക്കെതിരെ കേസെടുത്തിട്ടുള്ളത്.
അറസ്റ്റിലായ ആളുടെ വീട്ടിൽ കുബേര റെയ്ഡിനെത്തിയ പൊലീസ് സംഘമാണ് 1,37,000 രൂപയോളം വരുന്ന കള്ളനോട്ടുകളും അനുബന്ധ സാമഗ്രികളും പിടിച്ചെടുത്തത്. പിടിച്ച കള്ളനോട്ടുകളിൽ പുതിയ 2,000 രൂപയുടെ 60 നോട്ടുകളുണ്ട്. 500െൻറ 20ഉം 50െൻറയും 20െൻറയും നോട്ടുകളുണ്ട്. വിവിധ സീരീസുകളിലുള്ള നോട്ടുകളാണ് പിടിച്ചെടുത്തത്.
അച്ചടി പൂർണമായ നോട്ടുകളും പേപ്പറിൽ പ്രിൻറ് ചെയ്ത നോട്ടുകളും കണ്ടെടുത്തു. നോട്ട് അച്ചടിക്കുന്ന കളർ ഫോേട്ടാസ്റ്റാറ്റ് പ്രിൻറർ മെഷീൻ, ലാപ്ടോപ്, േബാണ്ട് പേപ്പർ, സ്കാനർ, കട്ടർ ഉൾപ്പെടെയുളള സാമഗ്രികളും വീട്ടിൽ നിന്ന് കണ്ടെടുത്തിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.