ടെ​ലി​ഗ്രാ​മി​ൽ പാ​ർ​ട് ടൈം​ ജോലി വാഗ്ദാനം; നാവിക ഉദ്യോഗസ്ഥന് 17.30 ലക്ഷം നഷ്ടം

ക​ണ്ണൂ​ർ: ടെ​ലി​ഗ്രാ​മി​ൽ പാ​ർ​ട് ടൈ​മാ​യി ഓ​ൺ​ലൈ​ൻ വ​ഴി ജോ​ലി ചെ​യ്ത് പ​ണം സ​മ്പാ​ദി​ക്കാ​മെ​ന്ന സ​ന്ദേ​ശം ക​ണ്ട് പ​ണം ന​ൽ​കി​യ ഇ​ന്ത്യ​ൻ നാ​വി​ക ഉ​ദ്യോ​ഗ​സ്ഥ​ന് 17,30,300 രൂ​പ ന​ഷ്ട​മാ​യി. നി​ക്ഷേ​പി​ക്കു​ന്ന പ​ണ​ത്തി​ന​നു​സ​രി​ച്ച് ഉ​യ​ർ​ന്ന ലാ​ഭം തി​രി​കെ ല​ഭി​ക്കു​മെ​ന്ന് പ​റ​ഞ്ഞ് വി​ശ്വ​സി​പ്പി​ച്ചാ​ണ് ഉ​ദ്യോ​ഗ​സ്ഥ​നെ ത​ട്ടി​പ്പി​ന് ഇ​ര​യാ​ക്കി​യ​ത്.

മ​റ്റൊ​രു പ​രാ​തി​യി​ൽ എ​ട​ക്കാ​ട് സ്വ​ദേ​ശി​ക്ക് ഓ​ൺ​ലൈ​ൻ ത​ട്ടി​പ്പി​ലൂ​ടെ 39,100 രൂ​പ ന​ഷ്ട​പ്പെ​ട്ടു. എ​സ്.​ബി.​ഐ ബാ​ങ്ക് അ​ക്കൗ​ണ്ട് സ​സ്പെ​ൻ​ഡ് ചെ​യ്യാ​തി​രി​ക്കു​ന്ന​തി​നാ​യി കെ.​വൈ.​സി വെ​രി​ഫി​ക്കേ​ഷ​ൻ ചെ​യ്യ​ണം എ​ന്ന് ഫോ​ണി​ൽ ലി​ങ്ക് സ​ഹി​തം സ​ന്ദേ​ശം വ​രി​ക​യും അ​ത​നു​സ​രി​ച്ച് ലി​ങ്കി​ൽ ക്ലി​ക്ക് ചെ​യ്‌​ത്‌ നെ​റ്റ് ബാ​ങ്കി​ങ് യൂ​സ​ർ നെ​യിം, പാ​സ് വേ​ഡ്‌ എ​ന്നി​വ​യും ഒ.​ടി.​പി​യും ന​ൽ​കി​യ​തി​ലൂ​ടെ​യാ​ണ് യു​വാ​വി​ന് ത​ന്റെ ബാ​ങ്ക് അ​ക്കൗ​ണ്ടി​ൽ​നി​ന്നും 39,100 രൂ​പ ന​ഷ്ട​പ്പെ​ട്ട​ത്.

ഇ​ൻ​സ്റ്റ​ഗ്രാം, ടെ​ലി​ഗ്രാം തു​ട​ങ്ങി​യ മാ​ധ്യ​മ​ങ്ങ​ൾ ഉ​പ​യോ​ഗി​ക്കു​ന്ന​വ​ർ ഇ​ത്ത​രം സൈ​ബ​ർ കു​റ്റ​കൃ​ത്യ​ങ്ങ​ളെ കു​റി​ച്ച് ജാ​ഗ്ര​ത പു​ല​ർ​ത്തേ​ണ്ട​തും വ്യാ​ജ വാ​ഗ്ദാ​ന​ങ്ങ​ളി​ൽ വി​ശ്വ​സി​ച്ച് പ​ണം ന​ൽ​കു​ക​യോ, കെ.​വൈ.​സി വെ​രി​ഫി​ക്കേ​ഷ​നാ​യി വി​ശ്വാ​സ യോ​ഗ്യ​മാ​യ​ത​ല്ലാ​ത്ത ലി​ങ്കി​ൽ പ്ര​വേ​ശി​ച്ച് ബാ​ങ്ക് അ​ക്കൗ​ണ്ട് വി​വ​ര​ങ്ങ​ൾ പ​ങ്കു​​വെ​ക്കു​ക​യോ ചെ​യ്യ​രു​തെ​ന്ന് പൊ​ലീ​സ് അ​റി​യി​ച്ചു.

ഇ​ത്ത​രം കു​റ്റ​കൃ​ത്യ​ങ്ങ​ൾ ശ്ര​ദ്ധ​യി​ൽ​പെ​ട്ടാ​ൽ 1930 എ​ന്ന ന​മ്പ​റി​ൽ വി​ളി​ച്ച് അ​റി​യി​ക്കു​ക​യോ www.cybercrime.gov.in എ​ന്ന വെ​ബ്സൈ​റ്റി​ൽ പ​രാ​തി ര​ജി​സ്റ്റ​ർ ചെ​യ്യാ​വു​ന്ന​തോ ആ​ണ്.