ശംഖുംമുഖം: തലസ്ഥാനത്ത് കാണാതായ ജർമൻ യുവതി ലിസ വെയ്സ് രാജ്യത്തെ ഒരു വിമാനത്താവളം വഴിയും മടങ്ങിയിട്ടില്ലെന്ന് വ്യക്തമായി. ഇതോടെ കേരളം കേന്ദ്രീകരിച്ച് അന്വേഷണം ഉൗർജിതമാക്കി. അതിനിടെ, ലിസ കോവളത്ത് എത്തിയിരുന്നതായി അന്വേഷണ സംഘത്തിന് തെളിവുകൾ ലഭിച്ചു.
യുവതിയുടെ തിരോധാനം സംബന്ധിച്ച് ഫോട്ടോ സഹിതം പത്രങ്ങളിൽ വാർത്ത വന്നതോടെയാണ് ഹോട്ടൽ ജീവനക്കാർ തിരിച്ചറിഞ്ഞത്. കോവളത്തെ ഒരു സ്വകാര്യ ഹോട്ടലിൽ വിദേശിയുവാവിനൊപ്പം ഇവർ ഹോട്ടലിൽ എത്തുകയും മുറി ആവശ്യപ്പെടുകയും ചെയ്തിരുന്നു.
പിന്നീട് മുറിക്ക് നിരക്ക് കൂടുതലാണെന്ന് പറഞ്ഞ് മടങ്ങിയതായും ഹോട്ടൽ ജീവനക്കാർ അന്വേഷണ സംഘത്തിന് മൊഴി നൽകി. ഇവർ കോവളത്ത് മറ്റ് ഏതെങ്കിലും ഹോട്ടലിൽ താമസിച്ചിരുന്നോ എന്ന കാര്യത്തിൽ അന്വേഷണം തുടരുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.