യു.ഡി.എഫ്​ ജാതിയും മതവും നോക്കി വേഷം കെട്ടുന്നു -ഇ.പി. ജയരാജൻ

കൊ​ച്ചി: ജാ​തി​യും മ​ത​വും നോ​ക്കി ഓ​രോ സ്ഥ​ല​ത്തും പോ​യി വ്യ​ത്യ​സ്ത​വേ​ഷം കെ​ട്ടു​ക​യാ​ണ്​ യു.​ഡി.​എ​ഫെ​ന്ന്​ എ​ൽ.​ഡി.​എ​ഫ്​ ക​ൺ​വീ​ന​ർ ഇ.​പി. ജ​യ​രാ​ജ​ൻ. തൃ​ക്കാ​ക്ക​ര ഉ​പ​തെ​ര​ഞ്ഞെ​ടു​പ്പി​ന്‍റെ പ്ര​ക​ട​ന​പ​ത്രി​ക തൃ​ക്കാ​ക്ക​ര മ​ണ്ഡ​ലം തെ​ര​ഞ്ഞെ​ടു​പ്പ്​ ക​മ്മി​റ്റി ഓ​ഫി​സി​ൽ പ്ര​കാ​ശ​നം ചെ​യ്ത്​ ശേ​ഷം മാ​ധ്യ​മ പ്ര​വ​ർ​ത്ത​ക​രോ​ട്​ സം​സാ​രി​ക്കു​ക​യാ​യി​രു​ന്നു ജ​യ​രാ​ജ​ൻ.

ജാ​തി​യും മ​ത​വും നോ​ക്കി ന​ട​ക്കു​ക​യാ​ണ്​ യു.​ഡി.​എ​ഫ്. ജ​ന​ങ്ങ​ളോ​ട്​ മ​റ്റൊ​ന്നും പ​റ​യാ​നി​ല്ലാ​ത്ത​ത്​ കൊ​ണ്ടാ​ണ്​ അ​ടി​സ്ഥാ​ന​ര​ഹി​ത​മാ​യ ഇ​ത്ത​രം കാ​ര്യ​ങ്ങ​ൾ പ​റ​ഞ്ഞു ന​ട​ക്കു​ന്ന​ത്. അ​വ​ർ ഇ​ത്ത​രം കാ​ര്യ​ങ്ങ​ൾ ചെ​യ്തി​ട്ട്​ അ​ത്​ എ​ൽ.​ഡി.​എ​ഫി​ന്​ മേ​ൽ കെ​ട്ടി​വെ​ക്കു​ക​യാ​ണെ​ന്നും ജ​യ​രാ​ജ​ൻ ആ​രോ​പി​ച്ചു.

തൃ​ക്കാ​ക്ക​ര​യെ ലോ​ക​ശ്ര​ദ്ധ​യാ​ക​ര്‍ഷി​ക്കു​ന്ന പ്ര​ദേ​ശ​മാ​യി വ​ള​ര്‍ത്തി​യെ​ടു​ക്കു​മെ​ന്ന് പ്ര​ക​ട​ന പ​ത്രി​ക പ്ര​കാ​ശ​ന ച​ട​ങ്ങി​ൽ ഇ.​പി. ജ​യ​രാ​ജ​ന്‍ വ്യ​ക്ത​മാ​ക്കി. 'കേ​ര​ള​ത്തി​നൊ​പ്പം കു​തി​ക്കാ​ൻ തൃ​ക്കാ​ക്ക​ര​യും' എ​ന്ന പേ​രി​ലാ​ണ് പ​ത്രി​ക പു​റ​ത്തി​റ​ക്കി​യ​ത്.

കെ-​റെ​യി​ലും മെ​ട്രോ​യും വാ​ട്ട​ർ മെ​ട്രോ​യും ഒ​ന്നി​ക്കു​ന്ന ഒ​രു ട്രാ​വ​ൽ ഹ​ബ്ബാ​യി തൃ​ക്കാ​ക്ക​ര​യെ മാ​റ്റു​മെ​ന്നാ​ണ് വാ​ഗ്ദാ​നം. വി​നോ​ദ -വാ​ണി​ജ്യ കേ​ന്ദ്ര​മാ​യി തൃ​ക്കാ​ക്ക​ര​യെ മാ​റ്റാ​ൻ ബ്ലി​സ് സി​റ്റി യാ​ഥാ​ർ​ഥ്യ​മാ​ക്കു​മെ​ന്ന​ത​ട​ക്കം പ്ര​ക​ട​ന പ​ത്രി​ക​യി​ൽ വാ​ഗ്ദാ​നം ന​ൽ​കു​ന്നു​ണ്ട്. മ​ന്ത്രി പി. ​രാ​ജീ​വും ച​ട​ങ്ങി​ൽ സം​ബ​ന്ധി​ച്ചു.