Posted On
date_range Updated On
date_range ബസ് സ്റ്റാൻഡില്‍ കിടന്നുറങ്ങിയ വയോധികനെ തെരുവുനായ്ക്കള്‍ കടിച്ചുകീറി
മേപ്പാടി: വയനാട് മേപ്പാടി ബസ് സ്റ്റാൻഡില്‍ കിടന്നുറങ്ങുകയായിരുന്ന വയോധികനെ തെരുവ് നായ്ക്കള്‍ കടിച്ച് പരിക്കേൽപിച്ചു. പാലശ്ശേരി കൊലാട്ട് കുരിക്കള്‍ മുഹമ്മദ് (88) നാണ് പരിക്കേറ്റത്. തലക്കും നെഞ്ചിനും കൈക്കും ഗുരുതരമായി പരിക്കേറ്റ ഇയാളെ വൈത്തിരി ഗവ. ആശുപത്രിയില്‍ പ്രവേശിപ്പിച്ചു. വ്യാഴാഴ്ച പുലര്‍ച്ചെയോടെയാണ് സംഭവം.
രാവിലെ ടൗണിലെത്തിയ ചുമട്ടുതൊഴിലാളികളാണ് ചോരവാര്‍ന്നു നില്‍ക്കുന്ന മുഹമ്മദിനെ കണ്ടത്. തുടര്‍ന്ന് ഇവര്‍ പൊലീസില്‍ വിവമരമറിയിക്കുകയായിരുന്നു. പൊലീസെത്തി ആംബുലന്‍സില്‍ മുഹമ്മദിനെ വൈത്തിരി ആശുപത്രിയിലേക്ക് മാറ്റി. തലക്കും കൈക്കും ആഴത്തിലുള്ള മുറിവേറ്റിട്ടുണ്ട്.
ബന്ധുക്കളൊന്നുമില്ലാത്ത മുഹമ്മദ് മേപ്പാടി ബസ് സ്റ്റാൻഡിലാണ് കഴിഞ്ഞുവന്നിരുന്നത്. മേപ്പാടിയിലും പരിസരപ്രദേശങ്ങളിലും തെരുവുനായ് ശല്യം രൂക്ഷമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.