എ.കെ. ആന്റണി
തിരുവനന്തപുരം: ഉത്തർപ്രദേശിൽ ഗാന്ധി കുടുംബത്തിൽനിന്ന് ഒരാൾ മത്സരിക്കുമെന്നും അത് രാഹുലോ പ്രിയങ്കയോ ആകാമെന്നും മുതിർന്ന കോൺഗ്രസ് നേതാവ് എ.കെ.ആന്റണി. അമേഠിയിലെയും റായ്ബറേലിയിലെയും കോൺഗ്രസിലെ തീരുമാനം അറിഞ്ഞതിന് ശേഷം കാര്യങ്ങൾ വ്യക്തമാകും.
ഗാന്ധി കുടുംബത്തിലെ ഒരു അംഗം പരമ്പരാഗത സീറ്റിൽനിന്ന് മത്സരിക്കുമോ എന്ന ചോദ്യത്തിന്, "അതെ, ഒരാൾ ഉണ്ടാകും" എന്നായിരുന്നു ആന്റണിയുടെ മറുപടി. അത് റോബർട്ട് വദ്ര ആയിരിക്കില്ലെന്നും രാഹുലോ പ്രിയങ്കയോ തന്നെയായിരിക്കുമെന്നും ആന്റണി പറഞ്ഞു. ഭാരത് ജോഡോ യാത്രക്ക് ശേഷം ഇപ്പോൾ രാജ്യത്തുള്ളത് പുതിയ രാഹുലാണ്. എല്ലാ പ്രതിപക്ഷ കക്ഷികൾക്കും സ്വീകാര്യനായ വ്യക്തിയാണ് അദ്ദേഹം. ദിവസം ചെല്ലുംതാറും ഇൻഡ്യ സഖ്യത്തിന്റെ ആത്മവിശ്വാസം കൂടി വരികയാണെന്നും ബി.ജെ.പിയുടെ നേതൃത്വത്തിലുള്ള എൻ.ഡി.എയുടെ ആത്മവിശ്വാസം കുറഞ്ഞു വരികയാണെന്നും അദ്ദേഹം കൂട്ടിച്ചേർത്തു.
ആരോഗ്യസ്ഥിതി കണക്കിലെടുത്ത്, കോൺഗ്രസ് നേതൃത്വത്തിലുള്ള യു.ഡി.എഫ് സ്ഥാനാർഥികൾക്ക് വേണ്ടി പ്രചാരണത്തിന് ഇറങ്ങുമോ എന്ന് അദ്ദേഹം ഇതുവരെ തീരുമാനിച്ചിട്ടില്ല. പത്തനംതിട്ടയിൽ എൻ.ഡി.എ സ്ഥാനാർഥിയായി മത്സരിക്കുന്ന മകൻ അനിൽ ആന്റണി തോൽക്കണമെന്ന് തുറന്നു പറഞ്ഞ ആന്റണി ‘ഞാൻ കോൺഗ്രസാണ്, എന്‍റെ മതം കോൺഗ്രസാണ്, നരേന്ദ്ര മോദിയോടൊപ്പം പോകുന്നത് ആരായാലും തെറ്റാണ്’എന്നും വ്യക്തമാക്കിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.