തിരുവനന്തപുരം: സംസ്ഥാനത്ത് ഇൻറഗ്രേറ്റഡ് ട്രാഫിക് മാനേജ്മെൻറ് സംവിധാനം സ്ഥാപിക്കാനുള്ള നടപടി അന്തിമ ഘട്ടത്തിലാണെന്ന് മുഖ്യമന്ത്രി പിണറായി വിജയൻ. ഇതിനായി തിരുവനന്തപുരത്ത് സ്ഥാപിക്കുന്ന കണ്ട്രോള് റൂമില് നമ്പര്പ്ലേറ്റ് തിരിച്ചറിയാന് കഴിയുന്നവ ഉള്പ്പെടെ വിവിധ ജില്ലകളില് നിന്നായി 3000 കാമറകള് ബന്ധിപ്പിക്കുമെന്നും അദ്ദേഹം കൂട്ടിച്ചേർത്തു. ട്രാഫിക് നിയമങ്ങള് ലംഘിക്കുന്നവരില്നിന്ന് ഓണ്ലൈനായി പിഴ ഈടാക്കാനുളള ഇ-ചെലാന് സംവിധാനത്തിെൻറ ഉദ്ഘാടനം നിർവഹിക്കുകയായിരുന്നു അദ്ദേഹം.
വാഹന പരിശോധനയും പിഴ അടയ്ക്കലും ഏറെ സുഗമമാക്കുന്ന സംവിധാനമാണിത്. തിരുവനന്തപുരം സിറ്റി, കൊല്ലം സിറ്റി, എറണാകുളം സിറ്റി, തൃശൂര് സിറ്റി, കോഴിക്കോട് സിറ്റി എന്നിവിടങ്ങളിലാണ് ഈ സംവിധാനം നിലവില് വന്നത്. അടുത്ത ഘട്ടത്തില് ഇ-ചെലാന് സംവിധാനം സംസ്ഥാനമാകെ നിലവില് വരും.
പരിശോധന നടത്തുന്ന ഉദ്യോഗസ്ഥരുടെ കൈവശമുള്ള പ്രത്യേക ഉപകരണത്തില് വാഹനത്തിെൻറ നമ്പറോ ഡ്രൈവിങ് ലൈസന്സ് നമ്പറോ നല്കിയാല് വാഹനത്തെ സംബന്ധിച്ച എല്ലാ വിവരങ്ങളും അറിയാന് കഴിയുമെന്ന് മുഖ്യമന്ത്രി പറഞ്ഞു. പിഴ അടയ്ക്കാനുള്ളവര്ക്ക് ഓണ്ലൈന്, ക്രെഡിറ്റ്, ഡെബിറ്റ് കാര്ഡുകള് ഉപയോഗിച്ച് പണം അടയ്ക്കാം. ഇത്തരം സംവിധാനങ്ങള് കൈവശമില്ലാത്തവര്ക്ക് പിഴ അടയ്ക്കാന് പ്രത്യേകം സൗകര്യം ഏര്പ്പെടുത്തണമെന്ന് മുഖ്യമന്ത്രി നിര്ദേശിച്ചു. കേസുകള് വിര്ച്വല് കോടതിയിലേക്ക് കൈമാറാനും ഈ സംവിധാനത്തിലൂടെ കഴിയും.
ഉദ്ഘാടനച്ചടങ്ങില് ഡി.ജി.പി ലോക്നാഥ് ബെഹ്റ, എ.ഡി.ജി.പി മനോജ് എബ്രഹാം, ട്രാഫിക് ആൻഡ് റോഡ് സേഫ്റ്റി ഐ.ജി ജി. ലക്ഷ്മണ് എന്നിവരും സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.