പിടിയിലാകുന്നത് പ്രമുഖർ; മലയാള സിനിമാലോകത്തെ നാണക്കേടിലാക്കി രാസലഹരി ഉപയോഗം

കൊ​ച്ചി: ഹേ​മ ക​മ്മി​റ്റി റി​പ്പോ​ർ​ട്ടി​ന് പി​ന്നാ​ലെ മ​ല​യാ​ള സി​നി​മ​യെ നാ​ണ​ക്കേ​ടി​ലാ​ക്കി രാ​സ​ല​ഹ​രി ഉ​പ​യോ​ഗം. താ​ര​ങ്ങ​ളു​ടെ​യും അ​ണി​യ​റ പ്ര​വ​ർ​ത്ത​ക​രു​ടെ​യും ല​ഹ​രി ഉ​പ​യോ​ഗ​മാ​ണ് സി​നി​മ മേ​ഖ​ല​ക്ക് ത​ല​വേ​ദ​ന​യാ​യി​രി​ക്കു​ന്ന​ത്.

ന​ട​ൻ ഷൈ​ൻ ടോം ​ചാ​ക്കോ​യു​മാ​യി ബ​ന്ധ​പ്പെ​ട്ട വി​വാ​ദ​ങ്ങ​ളാ​ണ് ക​ഴി​ഞ്ഞ ദി​വ​സ​ങ്ങ​ളി​ൽ സി​നി​മ ലോ​ക​ത്തെ നാ​ണ​ക്കേ​ടി​ലാ​ക്കി​യ​തെ​ങ്കി​ൽ ഞാ​യ​റാ​ഴ്ച ഹി​റ്റ് ചി​ത്ര​ങ്ങ​ളു​ടേ​ത​ട​ക്കം ര​ണ്ട് യു​വ സം​വി​ധാ​യ​ക​ർ ഹൈ​ബ്രി​ഡ് ക​ഞ്ചാ​വു​മാ​യി പി​ടി​യി​ലാ​യി. സ്ത്രീ​ക​ൾ​ക്കു​നേ​രെ​യു​ള്ള ലൈം​ഗി​കാ​തി​ക്ര​മ​ങ്ങ​ൾ​ക്ക് പു​റ​മേ സി​നി​മ സെ​റ്റു​ക​ളി​ലെ ല​ഹ​രി ഉ​പ​യോ​ഗ​ത്തെ​ക്കു​റി​ച്ചും ഹേ​മ ക​മ്മി​റ്റി റി​പ്പോ​ർ​ട്ടി​ൽ പ​രാ​മ​ർ​ശ​മു​ണ്ടാ​യി​രു​ന്നു. എ​ന്നാ​ൽ, സ്ത്രീ​ക​ളു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ളി​ൽ വി​വാ​ദം കേ​ന്ദ്രീ​ക​രി​ച്ച​തോ​ടെ സെ​റ്റു​ക​ളി​ലെ രാ​സ​ല​ഹ​രി ഉ​പ​യോ​ഗം കാ​ര്യ​മാ​യ ച​ർ​ച്ച​യാ​യി​ല്ല.

യു​വ​താ​ര​ങ്ങ​ളു​ടെ ക​ട​ന്നു​വ​ര​വോ​ടെ​യാ​ണ് സി​നി​മ സെ​റ്റു​ക​ളി​ൽ രാ​സ​ല​ഹ​രി വ്യാ​പ​ക​മാ​യ​ത്. പ​ല യു​വ​താ​ര​ങ്ങ​ളെ​ക്കു​റി​ച്ചും ആ​രോ​പ​ണ​ങ്ങ​ളു​യ​ർ​ന്നി​രു​ന്നെ​ങ്കി​ലും 2015 ജ​നു​വ​രി 31ന് ​പി​ടി​വീ​ണ​ത് ഷൈ​ൻ ടോം ​ചാ​ക്കോ​ക്കാ​യി​രു​ന്നു. എ​ന്നാ​ൽ, ഈ ​കേ​സി​ൽ താ​രം ര​ക്ഷ​പ്പെ​ട്ടു. ഇ​തി​നു​പി​ന്നാ​ലെ​യാ​ണ് ദി​വ​സ​ങ്ങ​ൾ​ക്കു​മു​മ്പ് ല​ഹ​രി ഉ​പ​യോ​ഗ​വു​മാ​യി ബ​ന്ധ​പ്പെ​ട്ട് വീ​ണ്ടും ഷൈ​ൻ വി​വാ​ദ​ങ്ങ​ളി​ൽ​പെ​ട്ട​ത്.

ര​ണ്ടാ​ഴ്ച​മു​മ്പ് ആ​ല​പ്പു​ഴ​യി​ൽ പി​ടി​യി​ലാ​യ ല​ഹ​രി റാ​ക്ക​റ്റി​ലെ ക​ണ്ണി​യാ​യ ത​സ്​​ലി​മ​യു​മാ​യി ഷൈ​ൻ ടോം ​ചാ​ക്കോ, ശ്രീ​നാ​ഥ് ഭാ​സി, മ​റ്റൊ​രു ബി​ഗ്ബോ​സ് താ​രം അ​ട​ക്ക​മു​ള്ള​വ​ർ​ക്ക് ബ​ന്ധ​മു​ണ്ടെ​ന്ന് ക​ണ്ടെ​ത്തി കൂ​ടു​ത​ൽ അ​ന്വേ​ഷ​ണം ന​ട​ക്കു​ന്ന​തി​നി​ടെ​യാ​ണ് കൊ​ച്ചി​യി​ൽ ഷൈ​ൻ വീ​ണ്ടും വി​വാ​ദ​ത്തി​ൽ​പെ​ട്ട​ത്. ഇ​തി​ന്‍റെ ചൂ​ടാ​റും മു​മ്പാ​ണ് പ്ര​മു​ഖ ന​ട​ന്മാ​രെ അ​ണി​നി​ര​ത്തി​യു​ള്ള​ത​ട​ക്കം നി​ര​വ​ധി സി​നി​മ​ക​ൾ സം​വി​ധാ​നം​ചെ​യ്ത ര​ണ്ട് യു​വ സം​വി​ധാ​യ​ക​ർ എ​ക്സൈ​സ് പി​ടി​യി​ലാ​യ​ത്.

ല​ഹ​രി ഉ​പ​യോ​ഗം സം​ബ​ന്ധി​ച്ച പ​രാ​തി​ക​ൾ നേ​ര​ത്തേ വ്യാ​പ​ക​മാ​യ​തോ​ടെ സെ​റ്റു​ക​ളി​ൽ പ​രി​ശോ​ധ​ന ന​ട​ത്താ​ൻ സ​ർ​ക്കാ​ർ നീ​ക്കം ന​ട​ത്തി​യെ​ങ്കി​ലും സി​നി​മ സം​ഘ​ട​ന​ക​ളു​ടെ എ​തി​ർ​പ്പി​നെ​ത്തു​ട​ർ​ന്ന് പാ​ളി. പ​രി​ശോ​ധ​ന​യു​ടെ പേ​രി​ൽ ഷൂ​ട്ടി​ങ് മു​ട​ങ്ങി​യാ​ൽ ല​ക്ഷ​ങ്ങ​ൾ ന​ഷ്ടം വ​രു​മെ​ന്നാ​യി​രു​ന്നു ഇ​വ​രു​ടെ വാ​ദം. ന​ട​ന്മാ​ർ​ക്ക് സെ​റ്റു​ക​ളി​ൽ ല​ഹ​രി​വ​സ്തു​ക്ക​ൾ എ​ത്തി​ക്കാ​ൻ സി​നി​മ​ക​ളു​ടെ അ​ണി​യ​റ പ്ര​വ​ർ​ത്ത​ക​രി​ൽ ചി​ല​ർ​ത​ന്നെ കാ​രി​യ​ർ​മാ​രാ​കു​ന്നു​വെ​ന്ന വി​വ​ര​വും പു​റ​ത്തു​വ​ന്നി​രു​ന്നു.

അ​തി​നി​ടെ ഹൈ​ബ്രി​ഡ് ക​ഞ്ചാ​വു​മാ​യി പി​ടി​കൂ​ടി​യ സം​വി​ധാ​യ​ക​രാ​യ ഖാ​ലി​ദ് റ​ഹ്മാ​ൻ, അ​ഷ്​​റ​ഫ് ഹം​സ എ​ന്നി​വ​രെ സ​സ്പെ​ൻ​ഡ് ചെ​യ്ത​താ​യി ഫെ​ഫ്ക ഡ​യ​റ​ക്ടേ​ഴ്സ് യൂ​നി​യ​ൻ അ​റി​യി​ച്ചു. സി​നി​മ മേ​ഖ​ല​യി​ലെ രാ​സ​ല​ഹ​രി ഉ​പ​യോ​ഗ​ത്തി​ൽ സം​ഘ​ട​ന​ക​ൾ നി​സ്സം​ഗ​ത പു​ല​ർ​ത്തു​ക​യാ​ണെ​ന്ന ആ​രോ​പ​ണ​ത്തി​നി​ടെ​യാ​ണ്​ ഈ ​ന​ട​പ​ടി. ല​ഹ​രി​ക്കേ​സു​ക​ളി​ൽ വ​ലി​പ്പ​ചെ​റു​പ്പ​മി​ല്ലാ​തെ ന​ട​പ​ടി സ്വീ​ക​രി​ക്കു​മെ​ന്ന് ഫെ​ഫ്ക പ്ര​സി​ഡ​ൻ​റും സം​വി​ധാ​യ​ക​നു​മാ​യ സി​ബി മ​ല​യി​ൽ പ​റ​ഞ്ഞു.