കണ്ണൂർ: കോവിഡ് നെഗറ്റീവായതിന് ശേഷം ശ്വാസതടസ്സത്തിന് ചികിത്സയിലായിരിക്കെ ഹോമിയോ ഹോസ്പിറ്റൽ റിട്ട. സൂപ്രണ്ട് മരിച്ചു. കണ്ണൂർ പള്ളിക്കുന്ന് പാലത്തിന് സമീപം ചന്ദന ഗാർഡൻസിലെ ഡോ. ഷാജിമോൻ പീറ്റർ (59) ആണ് മരിച്ചത്. കാസർകോട് കളനാട് ഗവ. ഹോമിയോ ഹോസ്പിറ്റൽ റിട്ട. സൂപ്രണ്ടാണ്.
ബുധനാഴ്ച കണ്ണൂരിലെ സ്വകാര്യ ആശുപത്രിയിലായിരുന്നു മരണം. കോവിഡ് ബാധിച്ച് കണ്ണൂർ ഗവ. മെഡിക്കൽ കോളജിൽ ചികിത്സ തേടിയിരുന്നു. ഒരാഴ്ച മുമ്പ് നടന്ന പരിശോധനയിൽ നെഗറ്റീവായതിനെ തുടർന്ന് ആശുപത്രി വിട്ടു. പിന്നീടാണ് ശ്വാസതടസ്സത്തെ തുടർന്ന് ചികിത്സ തേടിയത്.
വെള്ളോറ ഗവ. ഹോമിയോ ഡിസ്പെൻസറിയിൽ മെഡിക്കൽ ഒാഫിസറായും സേവനം ചെയ്തിരുന്നു. ഭാര്യ: സിന്ധു പീറ്റർ (അധ്യാപിക, അരോളി എച്ച്.എസ്.എസ്). മക്കൾ: ചാന്ദിനി (ദന്ത ഡോക്ടർ), ചന്ദന. മരുമകൻ: ജോസ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.