മാര്‍ബിൾ കഷ്​ണങ്ങളിൽ ഫുജൈറ ഭരണാധികാരിയുടെ ചിത്രം തീർത്ത്​ ഡാവിഞ്ചി സുരേഷ്

കൊ​ടു​ങ്ങ​ല്ലൂ​ർ: മാ​ര്‍ബി​ള്‍ ക​ഷ്ണ​ങ്ങ​ൾ​കൊ​ണ്ട് ഫു​ജൈ​റ ഭരണാധികാരിയുടെ ചി​ത്രം തീ​ര്‍ത്ത് ഡാ​വി​ഞ്ചി സു​രേ​ഷ്. യു.​എ.​ഇ​യി​ലെ ഫു​ജൈ​റ​യി​ല്‍ അ​ല്‍ ഹ​മൂ​ദി എ​ന്ന സ്ഥാ​പ​നം ന​ട​ത്തു​ന്ന ക​യ്​​പ​മം​ഗ​ലം ച​ളി​ങ്ങാ​ട് സ്വ​ദേ​ശി അ​ബ്​​ദു​ല്‍ഖാ​ദ​റാ​ണ് ഈ ​അ​പൂ​ർ​വ സൃ​ഷ്​​ടി​ക്ക് നി​മി​ത്ത​മാ​യ​ത്. മൂ​ന്നു​മാ​സം മു​മ്പാ​ണ് ചി​ത്ര​കാ​ര​നും ശി​ല്‍പി​യു​മാ​യ കൊ​ടു​ങ്ങ​ല്ലൂ​രി​ലെ ഡാ​വി​ഞ്ചി സു​രേ​ഷി​നെ ഫു​ജൈ​റ​യി​ല്‍ എ​ത്തി​ച്ച​ത്.

അ​ബ്​​ദു​ല്‍ഖാ​ദ​റി‍െൻറ ക​മ്പ​നി​യി​ലെ 14 രാ​ജ്യ​ങ്ങ​ളി​ല്‍നി​ന്ന് ശേ​ഖ​രി​ച്ച മാ​ര്‍ബി​ളു​ക​ള്‍ ഉ​പ​യോ​ഗി​ച്ചാ​ണ് ചി​ത്രം ത​യാ​റാ​ക്കി​യ​ത്. 100 മീ​ഡി​യ​ങ്ങ​ളി​ല്‍ ചി​ത്ര​ങ്ങ​ളും ശി​ൽ​പ​ങ്ങ​ളും തീ​ര്‍ക്കു​ന്ന ദൗ​ത്യ​ത്തി​ൽ മു​ന്നോ​ട്ടു​പോ​കു​ന്ന ഡാ​വി​ഞ്ചി സു​രേ​ഷി‍െൻറ 67ാമ​ത് മീ​ഡി​യ​മാ​ണ് മാ​ര്‍ബി​ള്‍ ചി​ത്രം. ഒ​രു ആ​ശ​യം ഉ​ദി​ക്കു​ന്ന​ത് അ​ബ്​​ദു​ല്‍ഖാ​ദ​റി‍െൻറ മ​ന​സ്സി​ലാ​ണ്. തു​ട​ർ​ന്ന് നാ​ട്ടു​കാ​ര​നാ​യ ഫോ​ട്ടോ​ഗ്രാ​ഫ​ർ സിം​ബാ​ദി​നെ​യും സു​രേ​ഷി​നെ​യും യു.​എ.​ഇ​ലേ​ക്ക് വി​ളി​പ്പി​ച്ചു. 10 അ​ടി വീ​തി​യും 14 അ​ടി നീ​ള​വു​മു​ള്ള പ്ലൈ​വു​ഡ് അ​ടി​ച്ച ബോ​ഡി​ല്‍ സി​ലി​ക്കോ​ണ്‍ ഉ​പ​യോ​ഗി​ച്ച് വി​വി​ധ നി​റ​ങ്ങ​ളി​ലു​ള്ള മാ​ര്‍ബി​ള്‍ പീ​സു​ക​ള്‍ ഒ​ട്ടി​ച്ച് ഒ​രാ​ഴ്ച​യെ​ടു​ത്താ​ണ് ചി​ത്രം തീ​ര്‍ത്ത​ത്.

ഇ​ന്ത്യ, യു.​എ.​ഇ, ഒ​മാ​ന്‍, ഇ​റ്റ​ലി, തു​ര്‍ക്കി, സ്​​പെ​യി​ന്‍, ഇ​റാ​ന്‍, ജോ​ർ​ഡ​ന്‍, ഈ​ജി​പ്ത്, സി​റി​യ, ചൈ​ന, പാ​കി​സ്​​താ​ന്‍, വി​യ​റ്റ്നാം, ഇ​ന്തോ​നേ​ഷ്യ തു​ട​ങ്ങി 14 രാ​ജ്യ​ങ്ങ​ളി​ല്‍നി​ന്നു​ള്ള മാ​ര്‍ബി​ളു​ക​ളാ​ണ് ഇ​തി​നാ​യി ഉ​പ​യോ​ഗി​ച്ച​ത്. സിം​ബാ​ദ് പ​ക​ര്‍ത്തി​യ ദൃ​ശ്യ​ങ്ങ​ള്‍ യൂ​ട്യൂ​ബി​ല്‍ അ​പ്​​ലോ​ഡ് ചെ​യ്യും.