എംപ്ലോയ്​മെന്‍റ്​ വകുപ്പി​ന്‍റെ ഡേറ്റകൾ ക്രെഡിറ്റടിച്ച്​​​ മറ്റ്​ സ്ഥാപനങ്ങൾ

തി​രു​വ​ന​ന്ത​പു​രം: നാ​ഷ​ന​ൽ എം​പ്ലോ​യ്​​മെ​ന്‍റ്​ സ​ർ​വി​സ്​ വ​കു​പ്പി​ന്‍റെ ഡേ​റ്റ​ക​ൾ മ​റ്റ്​ സ​ർ​ക്കാ​ർ സ്ഥാ​പ​ന​ങ്ങ​ൾ വാ​ങ്ങി ​ക്രെ​ഡി​റ്റ്​ അ​ടി​ക്കു​ന്നെ​ന്ന്​ വി​മ​ർ​ശ​നം. ​ഉ​ദ്യോ​ഗ​സ്ഥ ഭ​ര​ണ​പ​രി​ഷ്​​കാ​ര വ​കു​പ്പ് ന​ട​ത്തി​യ പ​ഠ​ന​ത്തി​ന്‍റെ ഭാ​ഗ​മാ​യു​ള്ള കൂ​ടി​ക്കാ​ഴ്​​ച​യി​ലാ​ണ്​ ജീ​വ​ന​ക്കാ​ർ ഇ​ക്കാ​ര്യം ചൂ​ണ്ടി​ക്കാ​ട്ടി​യ​ത്. എം​പ്ലോ​യ്​​മെ​ന്‍റ്​ വ​കു​പ്പി​ന്‍റെ ന​വീ​ക​ര​ണ​വു​മാ​യി ബ​ന്ധ​പ്പെ​ട്ട്​ ഭ​ര​ണ​പ​രി​ഷ്കാ​ര വ​കു​പ്പ്​ സ​ർ​ക്കാ​റി​ൽ സ​മ​ർ​പ്പി​ച്ച റി​​​പ്പോ​ർ​ട്ടി​ൽ ഇ​ക്കാ​ര്യം പ്ര​ത്യേ​കം ചൂ​ണ്ടി​ക്കാ​ട്ടു​ക​യും​ ചെ​യ്തി​ട്ടു​ണ്ട്.

വ​കു​പ്പ് സ​മാ​ഹ​രി​ച്ച്​ സൂ​ക്ഷി​ക്കു​ന്ന വി​വി​ധ ത​രം ഡേ​റ്റ​ക​ൾ, ​പ്ലേ​സ്​​മെ​ന്‍റ്​ വി​വ​ര​ങ്ങ​ൾ എ​ന്നി​വ കെ-​ഡി​സ്ക് പോ​ലു​ള്ള മ​റ്റ് സ്ഥാ​പ​ന​ങ്ങ​ൾ​ക്ക് കൈ​മാ​റു​ന്ന​താ​യും ഇ​ത് വ​കു​പ്പി​ന് ല​ഭ്യ​മാ​കേ​ണ്ട അം​ഗീ​കാ​ര​ങ്ങ​ൾ മ​റ്റ് ഏ​ജ​ൻ​സി​ക​ൾ​ക്ക് ല​ഭി​ക്കാ​നി​ട​യാ​ക്കു​ന്ന​താ​യും ജീ​വ​ന​ക്കാ​ർ പ​ഠ​ന​സം​ഘ​ത്തോ​ട്​ വ്യ​ക്ത​മാ​ക്കി. വി​ഷ​യ​ത്തി​ലെ അ​തൃ​പ്തി സ​ർ​ക്കാ​റി​നെ അ​റി​യി​ക്ക​ണ​മെ​ന്ന്​ ജീ​വ​ന​ക്കാ​ർ ആ​വ​ശ്യ​​പ്പെ​ട്ടെ​ന്നും റി​പ്പോ​ർ​ട്ടി​ലു​ണ്ട്.

മു​ഖ്യ​മ​ന്ത്രി​ക്ക്​ റി​പ്പോ​ർ​ട്ട്​ കൈ​മാ​റു​ന്ന​തി​ന്​ നി​ശ്ചി​ത ഫോ​ർ​മാ​റ്റി​ൽ വി​ശ​ദാം​ശ​ങ്ങ​ൾ ആ​വ​ശ്യ​മാ​ണെ​ന്ന്​ കാ​ട്ടി​യാ​ണ്​ കെ-​ഡി​സ്ക്​ ക​ത്ത്​ ന​ൽ​കി​യ​ത്. ഉ​ദ്യോ​ഗാ​ർ​ഥി​യു​ടെ പേ​ര്, മൊ​ബൈ​ൽ ന​മ്പ​ർ, ഇ-​മെ​യി​ൽ, വി​ലാ​സം, ശ​മ്പ​ളം, ഉ​ദ്യോ​ഗ​ദാ​യ​ക​ന്‍റെ പേ​ര്​ എ​ന്നി​വ​യാ​ണ്​ ആ​വ​ശ്യ​പ്പെ​ട്ട​ത്. ഈ ​നി​ല​യി​ൽ വി​ശ​ദാം​ശ​ങ്ങ​ൾ സൂ​ക്ഷി​ച്ചി​ട്ടി​ല്ലാ​ത്ത​തി​നാ​ൽ 2021-22, 2022-23 സാ​മ്പ​ത്തി​ക വ​ർ​ഷ​ങ്ങ​ളി​ൽ ന​ട​ന്ന തൊ​ഴി​ൽ​മേ​ള​ക​ളു​ടെ വി​വ​ര​ങ്ങ​ൾ ​​ക്രോ​ഡീ​ക​രി​ച്ച്​ ന​ൽ​കി​യി​ട്ടു​ണ്ടെ​ന്നും ഉ​ദ്യോ​ഗ​സ്ഥ ഭ​ര​ണ​പ​രി​ഷ്കാ​ര വ​കു​പ്പ്​ സ്ഥി​രീ​ക​രി​ക്കു​ന്നു.

എം​പ്ലോ​യ്മെ​ന്‍റ്​ വ​കു​പ്പി​ന് നേ​രി​ട്ടു ത​ന്നെ മു​ഖ്യ​മ​ന്ത്രി​ക്കും തൊ​ഴി​ൽ മ​ന്ത്രി​ക്കും ഇ​ത്ത​രം വി​ശ​ദാം​ശ​ങ്ങ​ൾ കൈ​മാ​റാ​ൻ സാ​ധി​ക്കു​മെ​ന്നി​രി​ക്കെ, മ​റ്റൊ​രു ഏ​ജ​ൻ​സി വ​ഴി ഇ​വ സ​മാ​ഹ​രി​ക്കേ​ണ്ട​തു​ണ്ടോ എ​ന്ന വി​ഷ​യം പ​രി​ശോ​ധി​ക്ക​ണ​മെ​ന്ന ശു​പാ​ർ​ശ​യും റി​പ്പോ​ർ​ട്ടി​ലു​ണ്ട്. അ​താ​യ​ത്​ എം​പ്ലോ​യ്​​മെ​ന്‍റ്​ വ​കു​പ്പ്​ ജീ​വ​ന​ക്കാ​രു​ടെ അ​ഭി​പ്രാ​യം ഭ​ര​ണ പ​രി​ഷ്കാ​ര​വ​കു​പ്പ്​ മു​ഖ​വി​ല​ക്കെ​ടു​ത്തെ​ന്ന്​ വ്യ​ക്തം. 

അ​ധി​ക​മു​ള്ള 41 ത​സ്​​തി​ക​ക​ൾ

എം​പ്ലോ​യ്മെ​ന്‍റ്​ സ​ർ​വി​സ് വ​കു​പ്പി​ൽ 41 ത​സ്തി​ക​ക​ൾ അ​ധി​ക​മാ​ണെ​ന്ന് ഉ​ദ്യോ​ഗ​സ്ഥ ഭ​ര​ണ പ​രി​ഷ്കാ​ര ക​മീ​ഷ​ൻ റി​പ്പോ​ർ​ട്ട്. യു.​ഡി-​എ​ൽ.​ഡി ക്ല​ർ​ക്കു​മാ​രു​ടെ 10 വീ​തം ത​സ്തി​ക​ക​ളാ​ണ്​ അ​ധി​കം. എം​പ്ലോ​യ്മെ​ന്‍റ്​ ഓ​ഫി​സ​റു​ടെ​ അ​ധി​ക​മു​ള്ള ത​സ്​​തി​ക​ക​ൾ എ​ട്ട്. ഡെ​പ്യൂ​ട്ടി ഡ​യ​റ​ക്ട​ർ, എം​പ്ലോ​യ്മെൻറ് മാ​ർ​ക്ക​റ്റ് ഇ​ൻ​ഫ​ർ​മേ​ഷ​ൻ ഓ​ഫീ​സ​ർ, ഇ​ൻ​വെ​സ്റ്റി​ഗേ​റ്റ​ർ, മ​ല​യാ​ളം ട്രാ​ൻ​സ്ലേ​റ്റ​ർ, ആ​ർ​ട്ടി​സ്റ്റ്, പ്യൂ​ൺ എ​ന്നി​വ​രു​ടെ ഓ​രോ ത​സ്തി​ക വീ​ത​വും അ​ധി​ക​മാ​ണെ​ന്ന്​ റി​പ്പോ​ർ​ട്ട്​ ചൂ​ണ്ടി​ക്കാ​ട്ടു​ന്നു.