പ്രമോദ് കോട്ടൂളി കോഴ വാങ്ങിയെന്ന് സി.പി.എം; കോഴ കൈപ്പറ്റിയത് പണമായും ചെക്കായും

കോഴിക്കോട്: കോഴിക്കോട് സി.പി.എം ടൗണ്‍ ഏരിയ കമ്മിറ്റി അംഗമായിരുന്ന പ്രമോദ് കോട്ടൂളി കോഴ വാങ്ങിയെന്ന് പാര്‍ട്ടി കണ്ടെത്തല്‍. കോഴ ചെക്കായും പണമായും പ്രമോദ് വാങ്ങിയെന്നാണ് പാര്‍ട്ടി അന്വേഷണത്തിൽ കണ്ടെത്തിയത്. പി.എസ്.സി അംഗത്വത്തിനായി കോഴ വാങ്ങിയെന്ന ആരോപണത്തെ തുടർന്ന് പ്രമോദിനെ പാർട്ടിയിൽ നിന്ന് പുറത്താക്കിയിരുന്നു.

കോഴിക്കോട് ജില്ലാ കമ്മിറ്റി യോഗത്തില്‍ പങ്കെടുത്ത 39 പേരും പ്രമോദിനെതിരെ നടപടി ആവശ്യപ്പെട്ടു. കോഴ വിവാദത്തില്‍ ലോക്കല്‍ കമ്മിറ്റിയാണ് ആദ്യം പരാതി നല്‍കിയത്. പ്രമോദ് ആദ്യം ചെക്കായും പിന്നീട് അത് തിരികെ നല്‍കി പണമായും തുക കൈപ്പറ്റിയതായി പാര്‍ട്ടിക്ക് ബോധ്യപ്പെട്ടു. രണ്ട് പ്രാദേശിക ബി.ജെ.പി നേതാക്കള്‍ വഴിയാണ് ക്രമക്കേടിന് ശ്രമം നടത്തിയതെന്നും പാര്‍ട്ടി കണ്ടെത്തി. എന്നാൽ നിയമ നടപടിയുമായി മുന്നോട്ടുപോകാനാണ് പ്രമോദിന്‍റെ തീരുമാനം. പുറത്താക്കിയത് അറിഞ്ഞയുടൻ പണം കൊടുത്തതാര്, ആർക്കെന്ന് പറയണം എന്നാവശ്യപ്പെട്ട പ്രമോദ് ആദ്യം അമ്മയേയും കൂട്ടി പരാതിക്കാരൻ ശ്രീജിത്തിന്റെ ചേവായൂർ വില്ലിക്കൽ കോട്ടക്കുന്നിലെ വീട്ടിലേക്കാണ് പോയത്. എന്തിനുവേണ്ടിയാണ് തനിക്ക് കോഴ മേൽവിലാസം നൽകിയതെന്ന് വ്യക്തമാക്കണമെന്ന് ആവശ്യപ്പെട്ട പ്രമോദ് പരാതിക്കാരനുമായുള്ള ബന്ധവും പരസ്യമാക്കിയിട്ടുണ്ട്.

പ്ര​മോ​ദ് കോ​ട്ടൂ​ളി ഉ​ന്ന​യി​ച്ച ചോ​ദ്യ​ങ്ങ​ൾ സി.​പി.​എ​മ്മി​നെ വെ​ട്ടി​ലാ​ക്കിയിട്ടുണ്ട്. പ​ണം കൊ​ടു​ത്ത​താ​രെ​ന്നും ആ​ർ​ക്കെ​ന്നും നേ​തൃ​ത്വം വ്യ​ക്ത​മാ​ക്ക​ണ​മെ​ന്നാ​ണ് പ്ര​മോ​ദ് ആ​വ​ശ്യ​പ്പെ​ട്ട​ത്. ഇ​ക്കാ​ര്യ​മു​ന്ന​യി​ച്ചു​ള്ള പോ​സ്റ്റ​റു​ക​ൾ മാ​ധ്യ​മ​ങ്ങ​ൾ​ക്ക് മു​ന്നി​ൽ ഉ​യ​ർ​ത്തു​ക​യും ചെ​യ്ത​തോ​ടെ ന​ട​പ​ടി​യെ​ടു​ക്കാ​നു​ള്ള കാ​ര​ണ​മെ​ന്തെ​ന്ന് വ്യ​ക്ത​മാ​ക്കാ​തി​രു​ന്ന പാ​ർ​ട്ടി നേ​തൃ​ത്വം പ്ര​തി​രോ​ധ​ത്തി​ലാ​യി. ആ​ദ്യം പ​രാ​തി അ​ന്വേ​ഷി​ക്കു​മെ​ന്ന് പ​റ​ഞ്ഞ സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ പി​ന്നീ​ട് പ​രാ​തി ല​ഭി​ച്ചി​ല്ലെ​ന്ന് പ​റ​ഞ്ഞി​രു​ന്നു. ജി​ല്ല സെ​ക്ര​ട്ട​റി പി. ​മോ​ഹ​ന​നും പി.​എ​സ്.​സി​യു​മാ​യി ബ​ന്ധ​പ്പെ​ട്ട് ഒ​രു പ​രാ​തി​യും ല​ഭി​ച്ചി​ട്ടി​ല്ലെ​ന്നാ​ണ് മാ​ധ്യ​മ​ങ്ങ​ളോ​ട് ആ​വ​ർ​ത്തി​ച്ച​ത്.

പാ​ർ​ട്ടി​യു​ടെ സ​ൽ​പേ​രി​ന് ക​ള​ങ്ക​മു​ണ്ടാ​ക്കു​ന്ന പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ട്ട​തി​ന് പ്ര​മോ​ദ് കോ​ട്ടൂ​ളി​യെ സം​ഘ​ട​ന ഭ​ര​ണ​ഘ​ട​ന അ​നു​ശാ​സി​ക്കു​ന്ന ന​ട​പ​ടി​ക​ൾ പൂ​ർ​ത്തി​യാ​ക്കി​യാ​ണ്​ പ്രാ​ഥ​മി​കാം​ഗ​ത്വ​ത്തി​ൽ​നി​ന്ന് പു​റ​ത്താ​ക്കി​യ​തെ​ന്ന് മാ​ധ്യ​മ​ങ്ങ​​​ളോ​ട് പ​റ​ഞ്ഞ മോ​ഹ​ന​ൻ, എ​ന്ത് കാ​ര​ണ​ത്തി​നാ​ണ് പു​റ​ത്താ​ക്കി​യ​തെ​ന്ന് വ്യ​ക്ത​മാ​ക്കാ​ത്ത​തോ​ടെ വി​ഷ​യം തീ​ർ​ന്നി​ട്ടി​ല്ലെ​ന്ന സൂ​ച​ന​യാ​ണ് പു​റ​ത്തു​വ​രു​ന്ന​ത്. ഡി.​വൈ.​എ​ഫ്.​ഐ യൂ​നി​റ്റ് പ്ര​സി​ഡ​ന്റാ​യി​രി​ക്കെ പ്ര​മോ​ദ് രൂ​പ​വ​ത്ക​രി​ച്ച ‘യു​വ​ധാ​ര കോ​ട്ടൂ​ളി’​യു​മാ​യി ചേ​ർ​ന്ന് പ്ര​വ​ർ​ത്തി​ക്കു​ന്ന​വ​രി​ൽ വ​ലി​യൊ​രു വി​ഭാ​ഗ​വും പ്ര​മോ​ദി​നെ പി​ന്തു​ണ​ക്കു​ന്ന​വ​രാ​ണ്.